2012-02-12: The FUDforum translation rally has ended. Thank you for your participation! (Other news...)
Traduire: Introduccion
| Etapa seguenta | Cossí començar |
[edit] Introduccion
Las traduccions e la localizacion son importantas en general, perque permeton al mond qu'an pas de coneissenças en anglés d'utilizar de logicials. MediaWiki es utilizat per exemple sus Wikipèdia dins de lengas nombrosas, e doncas traduire MediaWiki permet als personas d'accedir a la coneissença liura dins lor pròpria lenga. Mai d'entresenhas sus la localizacion sus la documentacion de Gettext e Wikipèdia.
Aicí sus translatewiki.net construisèm e melhoram de contunh l'infrastructura per traduire aisidament de projèctes open font e de documents liures. Nos esforçam d'acomplir nòstras doas tòcas.
Nòstra primièra tòca es l'eficacitat. Per melhorar l'eficacitat del processus, nos integram fermament dins lo processus de desvolopament dels logicials. Amai, desvolopam d'espleches per automatizar l'integracion de las traduccions. Aquò permet als traductors de se concentrar unicament per traduire lo melhor possible.
Nòstra segonda tòca es la collaboracion. Lo sistèma en entièr repausa sus un wiki. MediaWiki es un motor de wiki popular que permet de construire de comunautats collaborativas. Encorajam los traductors a ajudar los autres a travèrs los projèctes e les lengas de biaisses multiples, en agissent coma una pèga entre los desvolopaires e los traductors.
Avètz pas besonh de saber traduire. Se sètz familiar amb un logicial de wiki, aprendretz aisidament cossí utilizar translatewiki.net. Los sols prerequesits son una bona coneissença de las lengas, dels navigadors web e de l'esperit dobèrt.
Lo projècte màger de translatewiki.net - MediaWiki - es utilizat dins mai de 250 lengas. translatewiki.net recep de mesas a jorn dins mai de 100 lengas cada mes.
