Webinterfejs

This page is a translated version of a page Web interface and the translation is 100% complete.

---

Přehlad wo přełožowanskim powjerchu translatewiki.net

W translatewiki.net wjerći so wšitko wokoło přełožowarjow, kotřiž tekst přełožuja. Na tutej stronje so najwažniše dźěle přełožowanskeho webpowjercha rozjasnjeja, a dóstanješ pokiwy na strony, kotrež dalše informacije wobsahuja. Móžeš nětko z přełožowanjom započeć!

Wubjer, na kotrymž chceš dźěłać

Statistika wo stawje přełožkow

Hłowna strona za přehlad, štož dyrbi so hišće přełožować, je specialna strona Language statistics. Formular horjeka na stronje, zmóžnja zapodawanje rěčneho koda, kotraž ma so zwobraznić. Wotkaz "Translation tool" we hłownym meniju da ći lochki přistup na stronu w rěči wužiwarskeho powjercha, kotruž wužiwarjo su wubrali.

Po standardźe so dospołnje přełožene zdźělenske skupiny njezwobraznjeja, tak zo zwobraznjene informacije jenož relewantne informacije wobsahuja. Zdźělenske skupiny, kotrež so tučnje zwobraznjeja, zestajeja so z wjacorych druhich zdźělenskich skupinow. Přełožowarjo móža swój kedźbnosć na cyły produkt złožić, redukujo wuběranske akcije, předewšěm, hdyž su wjacore skupiny za produkt nimale dospołnje přełožene.

Informacije, kotrež so zwobraznjeja, su mjeno zdźělenskeje skupiny, kotrež dalše informacije pokazuje, hdyž kursor myše je nad nim, cyłkowna ličba zdźělenkow w skupinje, ličba njepřełoženych zdźělenkow, přełožowanski staw w procenće a procentualny podźěl zestarjenych zdźělenkow. Cele z procentowymi podaćemi su barbne, zo by so staw lóšo dał identifikować; čerwjeny woznamjenja, zo je hišće trjeba wjele činić, zeleny, zo přełožk je nimale dokónčeny. Wšě špalty hodźa so sortěrować.

Lisćina zdźělenkow

Lisćina zdźělenkow, kotrež dyrbja so přełožować

Po wuběranju zdźělenskeje skupiny, pokaza so přełožowarjej lisćina zdźělenkow. Zestarjene zdźělenki pokazuja so čerwjene, žórłowy tekst je zeleny. We wotwisnosći wot napohlada so jenož přełožk, žórłowy tekst abo wobaj pokazuja.

Po kliknjenju na zdźělenske mjeno so w lěwej špalće přełožowanski editor zjewi, z kotrymž so přełožki přewjedu. Nad a pod lisćinu su nawigaciske wotkazy, kotrež wužiwarjej zmóžnjeja, so we wubranej zdźělenskej skupinje doprědka a wróćo pohibować.

Nastajenja za lisćinu zdźělenkow zwobraznić

Formular horjeka na přełožowanskej stronje

We wotrězku "Lisćina zdźělenkow" je so lisćinowy napohlad wujasnił. Strona z lisćinu přełožujomnych zdźělenkow wobsahuje tež formular horjeka na stronje, kotryž wodźi, štož so zwobraznja.

We formularje dadźa so štyri typy nastajenjow přewjesć:

• <Translate-page-task>: To wobwliwuje, štož so pokaza. Standardne nastajenje pokazuje jenož, štož dyrbi so hišće přełožować. Druhe móžne modusy pokazuja wšě zdźělenki, přełožk a žórłowe zdźělenki, přepruwowanje zdźělenkow, eksport wšěch zdźělenkow ze zdźělenskeje skupiny do sćahujomneje dataje za přełožowanje offline abo eksport do prěnjotneho formata za testowanske zaměry.
• Skupina: To móže kóžda skupina zdźělenkow być, kotraž so tež na stronje rěčneje statistiki pokazuje, tak zo přełožowar njetrjeba so k tej stronje wróćić.
• Rěč: Lisćiny dadźa so w podpěranowanej rěči zwobraznić. Rěče w lisćinje sortěruja so po rěčnym kodźe a rěčne mjena lokalizuja so, jeli wone w Unicode Common Locale Data Repository k dispoziciji steja.
• Limit: maksimalna ličba zdźělenkow, kotrež so pokazuja. Standard je 100 zdźělenkow. To dowoli wužiwarjam wjace abo mjenje zdźělenkow zwobraznić, jeli trjeba.

Přełožowanski editor

Přełožowanski editor

Přełožowanski editor translatewiki.net wužiwa wjele technikow, zo by přełožowanje z wobhladowakom tak jara kaž móžno wosnadnił. Někotre wužiwane techniki su zwobraznjenje přełožkow w druhich rěčach, konfigurowanych wot wužiwarja samoho w jeho nastajenjach, zwobraznjenje dokumentacije zdźělenkow wutworjeneje wot zhromadźenstwa a dokumentacije w žórłowych datajach projektow, syntaktiske kontrole a namjety z přełožowanskeho składa, Google Translate a mašinowe přełožowanje.

Ličba wotpowědnikow w přełožowanskim składźe woznamjenja so přez naličenja. Na kózdy naličenski dypk da so kliknyć. Přez to wočini so dalši přełožowanski editor, kotryž přełožowarjam zmóžnja, zo bychu za podobne tekstowe dźěle konsistencu wutowrili, město toho zo bychu dyrbjeli je pytać. Maksimalna ličba podobnych stronow je 24.

Přełožowanske nastajenja

Wužiwarske nastajenja nastupajo přełožowanje

Přełožowarjo na translatewiki.net móžeja zadźerženje přełožowanskeho powjercha wobwliwować. Relewantne nastajenja móžeš w nastajenjach na rajtarku "Editing" w posedźenju "Translation options" namakać.

Móžne nastajenja a jich funkcije su:

• Pomocne rěče: To je lisćina rěčnych kodow dźělenych přez komu. Přełožki zdźělenkow w tutych rěčach pokazuja so za přełožowanje. Standardna lisćina pomocnych rěčow móže wot wužiwaneje rěče wotwisować. Padacy meni hodźi so za wuběranje pomocneje rěče wužiwać. Po tym hodźi so přez kliknjenje na "Add to list" přidać. Manuelne wobdźěłowanje pola je tež móžno.
• Polěpšeny přełožowanski editor: Tute nastajenje je po standardźe zmóžnjene. Jeli so tute nastajenje znjemóžni, začitaja so nowe strony, hdyž na wotkaz kliknješ, město zo so přełožowanski editor w nowym wuskakowanskim woknje startuje.

Dalša dokumentacija

Hlej dokumentaciju za rozšěrjenje Translate za dalše podrobne informacije.