Antërfacia dl'aragnà

This page is a translated version of a page Web interface and the translation is 100% complete.

---

Antrodussion dl'antërfacia sl'aragnà ëd tradussion ëd translatewiki.net

Translatewiki.net a marcia dantorn a dij tradutor che a vòlto dij test. Ansima a sta pàgina-sì le part pi amportante dl'antërfacia dl'aragnà ëd tradussion a son spiegà e a son dàit d'arferiment a pàgine che a conten-o pi d'anformassion. A peul ancaminé a volté dun-a!

Ch'a selession-a dzora a còsa a veul travajé

Statìstiche ëd completament ëd le lenghe

La pàgina prinsipal për na panoràmica ëd lòn ch'as dev anco' voltesse a l'é la pàgina special Language statistics. Un formulari an sla a la pagina a përmët d'anserì un còdes ëd lenga për arferiment. L'anliura "Translation tool" ant la lista prinsipal a dà n'acess bel fé a la pàgina ant la lenga dl'antërfacia che j'utent a l'han selessionà.

Për sòlit, le partìe ëd mëssagi completament voltà a son pa visualisà, an manera che j'anformassion smonùe a conten-o mach j'anformassion amportante. Le partìe ëd mëssagi smonùe an grasset a consisto ëd partìe mùltiple d'àutri mëssagi. Ij tradutor a peulo dedichesse a completé un prodot antregh, diminuend j'assion ëd selession, an particolar ant le situassion andova ëd partìe mùltiple për un prodot a son già completament voltà.

J'anformassion smonùe a son un nòm ëd partìa ëd mëssagi, ch'a dà pi d'anformassion quand un a-i passa dzora, ël nùmer total ëd mëssagi ant la partìa, ël nùmer ëd mëssagi nen voltà, la përsentual ëd completament, e la përsentual ëd mëssagi vej. Le sele con përsentual a son codificà për color për n'identificassion bel fé dlë stat; ross a l'è për cand ch'a-i é motobin da fé, verd a l'é për cole pì complete. Tute le colòne a peulo esse ordinà.

Lista dij mëssagi

Lista dij mëssagi da volté

Apress d'avèj selessionà na partìa ëd mëssagi për travajeje ansima, al tradutor a-j ven ësmonùa na lista ëd mëssagi. Ij mëssagi vej a son mostrà an ross, con ël test sorgiss an verd. Sconda dla manera ëd visualisassion, mach la tradussion, o ël mëssagi sorgiss, o tùit doi ël mëssagi sorgiss e la tradussion a son ësmonù.

Sgnacand an sël nòm d'un mëssagi ant la colòna a snista a farà seurte l'l'editor ëd tradussion andoa la tradussion a l'é fàita an pràtica. Ansima e al fond dla lista a-i son dj'anliure ëd navigassion che a përmëtto dë score andré e anans ant la partìa ëd mëssagi selessionà.

Ampostassion ëd visualisassion për la lista dij mëssagi

Formolari an cò dla pàgina ëd tradussion

Ant la session "Lista dij mëssagi" a l'é stàita spiegà la visualisassion ëd la lista. La pàgina con la lista dij mëssagi da volté a conten ëdcò un formolari an cò dla pàgina ch'a përmët ël control ëd lòn ch'a l'é smonù.

Ant ël formolari, quatr sòrt d'apostassion a peulo esse fàite:

• Manera ëd visualisassion: sòn a anfluensa lòn ch'a sarà mostrà. L'ampostassion dë stàndard a smon mach lòn ch'a dev anco' esse voltà. D'àutre manere possìbij a son dë smon-e mach tùit ij mëssagi, mosteé le tradussion e ij mëssagi sorgiss un ëdzora a l'àutr për revision, esporté tuta la partìa ëd mëssagi a n'archivi dëscariàbil për tradussion fòra linia o esporté al formà nativ con but ëd preuva.
• Partìa: Sòn a peul esse qualsëssìa partìa ëd mëssagi che a l'é ëdcò mostrà ant la pàgina dle statìstiche dla lenga, an manera che un tradutor a deva pa andé andré a cola pàgina.
• Lenga: Le liste a peulo esse smonùe an tute le lenghe mantnùe. Le lenghe ant la lista a son ordinà për sò còdes ëd lenga e ij nòm ëd le lenghe a son localisà quand disponìbij ant ël Depòsit local ëd dàit comun Unicode.
• Lìmit: ël nùmer màssim ëd mëssagi da mostré. Lë stàndard a l'é ëd 100 mëssagi. Sòn a përmët a j'utent dë smon-e pi o men ëd mëssagi s'a n'han dabzògn.

Formolari ëd tradussion

Formolari ëd tradussion

Ël formolari ëd tradussion ëd translatewiki.net a deuvra vàire tecnologìe për rende le tradussion con ël navigador ël pi bel fé possìbil. Quaidun-e dle tecnologìe dovrà a son la visualisassion dle tradussion an d'àutre lenghe, com configurà da j'utent midem ant ij sò gust, la visualisassion ëd la documentassion dij mëssagi generà da la comunità e la documentassion presenta ant j'archivi sorgiss dël proget, ij contròj sintàtich e ij sugeriment ëd la memòria ëd tradussion, ëd Google Translate e ëd na tradussion automàtica.

Ël nùmer d'ocorense ant la memòria ëd tradussion a l'é visualisà an dovrand dij pontin rotond. Minca pontin rotond a peul esse sgnacà, an fasend parte un formolari ëd tradussion neuv, përmëttend ai tradutor ëd fé pi facilment dle modìfiche për coerensa con vàire part ëd test sìmil, nopà ëd dovèj sërcheje ativament. Ël nùmer màssim ëd pàgine sìmij smonùe a l'é 24.

Gust për le tradussion

Ampostassion dij gust ëd l'utent relativ a la tradussion

Ij tradutor a translatewiki.net a peulo anfluensé ël comportament ëd l'antërfacia ëd tradussion. J'ampostassion amportante a peulo esse trovà ant ij gust an sla tichëtta "Editing" ant la session "Translation options".

Ij gust possìbij e sò funsionament a son:

• Lenghe dl'assistent: A l'é na lista separà da 'd vìrgole ëd còdes ëd lenghe. Le tradussion d'un mëssage an coste lenghe a son ësmonùe durant la tradussion. La lista dë stàndard ëd le lenghe dl'assistent a peul dipende da la lenga dovrà. Na lista a ridò a peul esse dovrà për selessioné na lenga dl'assistent. Peui a peul esse giontà an sgnacand "Add to list". A l'é ëdcò possìbil la modìfica manual dël camp.
• Editor ëd tradussion përfessionà: St'ampostassion-sì a l'é abilità 'me stàndard. An disabilitandla, le pàgine neuve a saran carià quand a së sgnaca un colegament, nopà ëd fé parte ël formolari ëd tradussion ant na fnestra ch'as duverta dzora la lista dij mëssagi.

Pi 'd documentassion

Vëdde la documentassion për l'estension ëd Tradussion për d'anformassion pi detajà.