Project:A propòsit

From translatewiki.net
Revision as of 06:13, 26 May 2021 by FuzzyBot (talk | contribs) (Updating to match new version of source page)
(diff) ← Older revision | Latest revision (diff) | Newer revision → (diff)
Jump to navigation Jump to search
Torchlight kopete.png

Translatewiki.net a l'é na piataforma ëd localisassion për le comunità ëd tradutor, le comunità lenghìstiche, e ij proget lìber e a sorgiss duverta. A l'ha ancaminà con la localisassion për Mediawiki. Apress a l'é stàit giontà ël manteniment për j'estension Mediawiki, FreeCol e d'àutri proget lìber e a sorgiss duverta. Vëdde la lista completa dij proget mantnù.

Translatewiki.net a l'é 'n proget indipendent a sorgiss duverta. La funsionalità ëd tradussion a l'é fornìa da l'estension Translate ëd MediaWiki. Sta wiki a conten sempe ëd còdes sperimental, e a peul esse ëd tansantan fòra ëd servissi. Për piasì, ch'a pòrta passiensa, ij problema a son ëd sòlit arzolvù an pressa. Ij problema a peulo esse signalà a la pàgina d'assistensa.

Përchè dovré translatewiki.net

  • Ël mej utiss ëd tradussion disponìbil an sla Ragnà. Tute le modìfiche ëd localisassion a ven-o fàite dzor a n'antërfacia, e a-i son dle përson-e ch'a peulo giuté ij tradutor. Quand as fà na tradussion, a son dàit dij sugeriment për capì sò giust significà e usagi, e ëdcò dij sugeriment da ëd servissi ëd tradussion memòria/màchina.
  • A-i và pa gnun privilegi particolar, mincadun a peul contribuì. Tuti coj ch'a peulo contribuì ant na lenga (vardé sì-sota) a peulo giuté a la localisassion ëd cola lenga.
  • Ten-e trassa dle modìfiche a l'é sempi. Ij mëssagi nen voltà a son pa ij soj ch'a l'é belfé trové: quand che ël test sorgiss a cangia, le tradussion tocà a son marcà për ch'a sia belfé identificheje. Ij tradutor a devo nen perde 'd temp sërcand lòn ch'a-i é da fé.

Abilité sò proget ëd programa dzora translatewiki.net s'a-i é ancor nen.

Panoràmica dël métod ëd translatewiki.net

  • Su translatewiki.net ij tradutor a vòlto l'antërfacia dël programa për ij prodot anté che le stringhe ëd test anglèis a son ëstàite isolà dal còdes e a son ëstàite organisà an «mëssagi» sìngoj.
  • Quand a-i riva un proget neuv, a son amportà ij mëssagi sorgiss an anglèis. Ëd neuv mëssagi an anglèis a son amportà vira për vira.
  • Le sot-pàgine ciamà /qqq a son dovrà për la documentassion dij mëssagi. La documentassion a l'é scrivùa a man e ëd sòlit a l'é ëd pi bon-a qualità quand a esisto ëd bon-e comunicassion con l'echip dij dësvlupador dël programa original. Se ij coment dël còdes sorgiss a son part d'un proget ëd programa, costi-sì a son ëdcò smonù ant l'antërfacia ëd tradussion.
  • Ij tradutor a fan dij sugeriment për amelioré o corege un mëssagi an anglèis original, o adatelo për përmëtt-ne na localisassion. Se a-i é l'acòrd, costi a son modificà dai mèmber ëd translatewiki.net che a son ëdcò dësvlupador an sij sò proget, o signalà ai dësvlupador dël proget.
  • Le tradussion complete për minca lenga a son "consignà" al proget da l'echip ëd translatewiki.net, quand che ël nùmer ëd tradussion për un proget an cola lenga a l'ha sorpassà ël lìmit concordà për col proget. Për la frequensa ëd consigna e ël lìmit vëdde le pàgine dij proget.
  • La publicassion dle tradussion dël programa che a l'é stàita consignà a un proget a l'é controlà e fàita da j'aministrator dël proget e a l'é fòra dël contròl ëd translatewiki.net.

Drit d'autor e avertiment

CC some rights reserved new.svg
TRANSLATEWIKI.NET A DÀ GNUN-E GARANSÌE ËD BON FUNSIONAMENT

Ch'a deuvra le tradussion an translatewiki.net a sò arzigh. A sërco d'esse ùtij ma translatewiki.net a peul pa garantì la validità dël contnù trovà ambelessì.

Translatewiki.net e ij sò editor a dan gnun-e garansìe an sij contnù an gnun-a manera, ch'a sia esplìssita, implìssita, o dë statù, comprèisa, ma nen mach, qualsëssìa garansìa ëd comersiabilità o d'adeguatëssa a 'n but particolar o qualsëssìa garansia che ël contnù a l'abia gnun eror.

Le tradussion fàite dai tradutor a son ësmonùe an licensa CC-BY 3.0, e ij travaj derivà a peulo ëdcò esse smonù sota le license dij rispetiv proget lìber e a sorgiss duverta anté che le tradussion a son ëstàite e a saran giontà. Ij contnù dle pàgine utent a son considerà «Tùit ij drit riservà» da l'autor. Tut ël rest dël contnù a l'é smonù an licensa CC-BY 3.0 gavà che na licensa diferenta o dij drit d'autor a lo stabilisso ëd fasson ciàira.

Stòria

MediaWiki-2020-icon.svg

Translatewiki.net a l'é partì ant ël 2006 com wiki ëd test, dësvlupà da Nike, an colaborassion con Gangleri, com n'utiss d'antërnassionalisassion për la localisassion dël programa ëd MediaWiki. A l'é partìa sota ël nòm ëd Betawiki, che a l'é dventà translatewiki.net a l'inissi dël 2009, da già che ël sit a l'é stàit tramudà a un servent virtual ospità sota sò nòm ëd domini, ël 9 ëd novèmber dël 2007. Da otóber 2007 translatewiki.net a contribuiss a la localisassion ëd sirca 70 lenghe, che da giugn 2010 a son chërsùe a 329 lenghe. Com ël nùmer ëd le lenghe a l'é chërsù a l'é visìbil ant la tàula dle pere miliar dle tradussion passà për MediaWiki. Da gené 2010 a-i é staje da manca ëd n'ameliorassion a la capacità dël servent, për coaté l'aument ëd l'atività. Netcup a l'ha con generosità ospità translatewiki.net dal novèmber 2007.

D'àutri proget lìber e a sorgiss duverta a son ëstàit man a man giontà a translatewiki.net, an partend con FreeCol an aost 2007. Da giugn 2010 ël nùmer ëd proget mantnù a l'é chërsù fin a 16.

Ij contributor ëd translatewiki.net a son tùit volontari, an gavà un mèmber ëd l'echip ch'a arsèiv un pagament për part ëd sò temp (vëdde finansiament sì-sota). Dësvlupador, aministrator e tradutor a son stàit pijà inissialment dai proget MediaWiki, dzortut Wikimedia. Tanti dij nòstri contributor a rivo anco' sì da MediaWiki, ma con dij proget ch'a rivo a tuti ij moment, MediaWiki a l'é pa pi l'ùnica sorgiss ëd contributor. Ëd giugn 2010, ël nùmer ëd tradutor registrà a l'é ëd 1.860.

An collaborassion con Stichting Open Progress e FUDForum, translatewiki.net a l'ha organisà vàire gare ëd tradussion con premi disponìbij për ij tradutor, për amelioré la localisassion ëd MediaWiki e FUDForum.

Ij but ëd translatewiki.net a son descrivù ant l'introdussion. J'agiut técnich ai tradutor a son descrivù ant sla pàgina tecnologìa. Sti agiut a son ëspantià e ameliorà an continuassion për fé ven-e ël travaj ëd tradussion ël pi eficient possìbil. Jë bzògn corent dël sit e sò dësvlup a son descrivù su Problema e caraterìstiche.

Finansiament

P economy blue.png
  • Translatewiki.net a l'é ospità con gentilëssa da Netcup – webspace and vServer, a soe spèise da novèmber 2007, con dj'ameliorassion a fërvé 2008, gené 2010 e otóber 2013.
  • Stichting Open Progress e d'àutri a l'han organisà ëd tansantan ël finansiament ëd le gare ëd tradussion për amelioré la localisassion ëd MediaWiki e d'àutr, com spiegà sì-dzora.
  • In 2012 the Wikimedia Foundation Language team worked on a project called Translation UX in which the translatewiki.net main page and our translation interface were replaced by modern, professionally designed and user tested versions.
  • Niklas Laxström and Siebrand Mazeland are or have been working for the Wikimedia Foundation and have contributed to translatewiki.net during their work time.

Le përson-e darera a translatewiki.net

Echip prinsipal

Ij mémber dl'echip sentral a son amplicà scasi tuti ij di për fé marcé translatewiki.net. A l'han ëdcò acess ai servent e a son responsàbij ëd fé an manera che le ròbe a marcio con men problema possìbil. Për savèjne ëd pi, për piasì ch'a consulta soe pàgine përsonaj d'utent.

We thank the following individuals for their significant contributions:

Niklas Laxström
Fondator, dzortut travaj ëd dësvlup
Siebrand Mazeland
Mansé ëd la comunità, coordinator ëd proget, dësvlupador
Raimond Spekking
Amportador dle tradussion për MediaWiki, dësvlupador
Logo sociology.svg

I dipendoma ëdcò dal travaj fàit da d'àutri mèmber ëd nòstra comunità:

  • Ganglerivej visionari, pi nen ativ
  • GerardMAmbassador, areclam an dovrand un contat diret, jë scartari, StatusNet, Twitter
  • Tùit ij contat an minca proget
  • Tùit ij tradutor e j'àutri mèmber d'ës proget

Ch'an contata

Torchlight info.png

A peul lassé un mëssagi sla nòstra pàgina ëd discussion prinsipal a Support. S'a preferiss le discussion vive antlora ch'a preuva nòstr canal IRC #mediawiki-i18n su freenode. Pa ël preferì, ma se necessari për rason ëd sicurëssa o d'arzervatëssa, a peul dovré la pòsta eletrònica com métod ëd contat a «translatewiki LUMASSÒLA translatewiki PONT net» - an rampiassand «LUMASSÒLA» con «@» e «PONT» con «.», e an gavand ëdcò jë spassi da l'adrëssa ëd pòsta eletrònica.

  • A peul dëscute dij problema ëd na lenga particolar con ij sò tradutor an sla pàgina ëd discussion dël portal ëd la lenga.
  • A peul dëscute dij problema d'un proget particolar con ij sò sostnidor e la partìa dij dësvlupador an sla pàgina ëd discussion dla pàgina dël proget.
  • A peul discute dij problema con j'utent individuaj an soa pàgina ëd ciaciarade, o për pòsta eletrònica (ch'a sgnaca an sl'anliura ant la bara lateral sla pàgina utent), se lor a l'han sërnù ëd përmëtte ij mëssagi an pòsta eletrònica.