MediaWiki:Captchahelp-text/ksh

From translatewiki.net

Op Web Saits wi dat Wiki hee, wo jeder jät beidraare kann, do kumme se öff wi de Fleeje un don met Projramme un fun Hand Lengks op de eije Websigge bloß fö Reklahme affläje, der ohne Senn un Verschtand. Esu ene SPAM kam_mer widder fott maache, dat määt ävver Ärjer un Opwand.

Su jät wulle_mer nit hann, un donn_et jlish widder fottschmiiße.

Domet mer do_met nidd_esu fill Ärrbed hann, maache_mer dänne Autmaate et Lävve schwer. Wann uns Wikki merk, et künnd_esu jet em Bösch sinn, dann zeisch et e Belldsche med jät dren, un fröhsch, dat mer dat jenau esu ennjävve sullt, wi et do schteiht. För_enne Minsch eß dat eifach, ävver dat es fodammp schwierich ze projrammehre. Dat es e beßßje läßtish för der Minsch, ävver de Robbotter hälld et unß bahl kumplett fum Lief, un su jesinn, ess et netto enne Jewenn.

Wann De Dich ens fordeis, es och nit schlimm, De wees norr_enß jefrooch, un wat De jetipp häs, kütt nit fott.

Schaad es, mer hann noch keine Wääsch, dat met Schprohch udder sönswi ze maache, su dat Lück met Schprohch_Ußßjaave, Braille, un met nur Tex em Brauser oohne Bellder, em Räähn schtonn künnte. Dooht Ühr Zeush eets enß oohne Lengk schpeischere, un saat dä Wikki_Köbesse, wann Ühr Probbleme hatt. Do weed_Üch jehollfe weede.

Jetz kanns De met Dingem Brauser singem „Zeröck“-Knopp wigger maache, wo De fürher wohß.