Përnòm anterogativ
Cerea Dragonòt, com va-lo?
I të spòrzo mach n'osservassion, përchè dle vire i l'hai trovà na cita ampërfession ant l'usage dël përnòm anterogativ.
Da lòn ch'i na sai mi, cost-si a va dovrà an autërnativa al përnòm verbal, nen ansema.
Donca a dovrìa disse:
- a l'é bel?
opura
- é-lo bel?
La forma a l'é l'istessa dl'anversion an fransèis:
- il est beau ?
- est-il beau ?
Arvëdd-se, e an piòta! --Borichèt 08:47, 11 August 2010 (UTC)
Ciao Borichèt, a va bin, i son an ferie! A l'era 21 agn ch'i fasìa pa pi ferie ant le 2 sman-e sentraj d'aost, an essend che st'ann a-i é pòch travaj a l'han dime: "puoi fare ferie?". It peule imaginé l'arspòsta: "se proprio devo ... ;-)))"
I l'heu vardà la gramatica dël Bré (pag. 78), it l'has rason, a l'era sempe scapame. I seu pa përchè, ant la 3-a përson-a plural, ël Bré a-i dòvra tùit 2 ansema. Boh ...
E ti, com vala? (com a scriv ël Bré) Com l'é-lo ël temp an Valdosta? Stassèira noiàutri a l'ha alagane. --Dragonòt 19:39, 11 August 2010 (UTC)