User:MarkAHershberger/blog-RTL-Developers-wanted/ia
MediaWiki actiona le le wikis le plus grande e le plus cognite del mundo. Como resultato del popularitate e utilitate de Wikipedia e del passion del communitate, io non cognosce altere software con melior facilitates de internationalisation (i18n). Projectos como translatewiki.net e le extension Narayam ha apparite pro meliorar le possibilitates de i18n. Isto es le optime argumento pro software libere: da al gente le proprietate del software e illes assecura que le functionamento es meliorate. Resultato: tote le mundo possede melior software.
Nonobstante iste functionalitate, MediaWiki e Wikipedia ha lacunas de functionalitate importante. Un del lacunas le plus obvie se revela in linguas scribite de dextra a sinistra (RTL, right-to-left) in vice de de sinistra a dextra (LTR, left-to-right). Nos tenta reparar iste problemas, ma quasi tote nostre programmatores labora in linguas LTR, dunque nos non discoperi rapidemente iste problemas. Le problemas non nos confronta cata die, e usatores de wikis in linguas RTL como العربية (arabe), فارسی (persa), and עברית (hebreo) non ha supporto adequate.
Cata un de iste linguas ha un wiki con plus de 100.000 articulos. Securmente alcunes del contributores a iste grande wikis possede le habilitates necessari pro reparar le defectos de RTL que les ha probabilemente enoiate.
Io pensa que le programmatores RTL e LTR non se communica satis. Dunque, si tu es un programmator RTL, lassa me dicer te clarmente: Nos te cerca! Tu possede un cosa mancante a nostre actual programmatores de MediaWiki – un cosa que nos require urgentemente. Per favor cerca un defecto, submitte un reparation, e tu codice pote esser mittite in action sur Wikipedia!
Ecce alcun defectos pro adjutar te a comenciar:
- Titulos de articulos con titulos LTR in wikis RTL pote esser visualisate incorrectemente in categorias e in paginas special
- Texto mal alineate in paginas de file (wikis RTL solmente)
- Le direction (RTL/LTR) de definitiones debe corresponder al direction del lingua in le qual illos es scribite
- Vide etiam: Bug de sequimento pro omne typo de problemas con RTL
Finalmente, il manca un function importante in MediaWiki que es summarisate in Bug 6100: Permitter un direction (RTL/LTR) differente pro le interfacie de usator e pro le contento del wiki. Io spera trovar tosto le ressources pro facer resolver iste particular problema.