Bienveníu

Bones. Lo primero, date la bienvenida al sitiu onde viven cuélebres y dragones :) Más en serio, nun ye difícil trabayar con Translatewiki pa una persona qu'edite en llinguax wiki. Nun tienes más que calcar en «Ferramienta de traducción» del panel llateral y apaecen les coses por traducir. Si, como ye'l casu que nos ocupa, quies trabayar con coses yá traducíes, hai que desmarcar la caxella que diz «Anubrir los grupos de mensaxes completamente traducíos» y darréu calcar el botón «Amosar estadístiques». Llueu nun hai más que calcar onde diz «[espander]» xunto a MediaWiki y abrir la versión que nos interese, por exemplu «MediaWiki (latest)» que de vezu ye la versión onde hai que trabayar. Pero igual toi enguedeyandote más de la cuenta, lo meyor ye qu'esplores el sitiu y yá comentamos. Un saludu.