Fragen
Moin, dat deit mi leed, di hier to stören, man ik heff en poor Fragen. Un twaars, woans dat allens hier löppt, ik stieg noch nich dörachtern, woans dat mit de Översetten nau funktschoneert. Ik will vör allens bi de Gootsche Wikipedia de Översetten maken un natürlich ok för unse Spraak. Man gifft dat hier en Sied, wo nau beschreven warrt, wat dat hier geiht? Ik verstah nich dat Interface vun en Översetten un wat dit FUZZY ween schall. Ik weer di wirklich dankbar, wenn du mi dör so 'n beten ruthelpen künnst. Ik finn hier jichtenswo keen Sied, de dat man so richtig verklaren deit.
En Sied, de dat genau beschrifft, de kenn ik ok nich.
FUZZY bedüüdt, dat de Originalnaricht sik ännert hett, nadem de översett worrn is, un dat de Översetten nakeken warrn mutt, wat de noch passt. Dat FUZZY musst du rutnehmen, wenn du de Naricht nee översettst oder wenn de Översetten jümmer noch stimmt.
Un wenn ik bi en Statusnaricht en Översetten ingeev, denn warrt dat ok glieks bi de Wikipedia wiest? Oder gifft dat noch so Twüschenschritten?? Bi de Gootsch-Översetten warrt nämlich nix anwiest.