2012-05-26: Because of issues the with source code management for MediaWiki extensions, no exports of translations can be made at the moment.
Our apologies. All your translations will of course be updated as soon as the issue is resolved. (Other news...)
User talk:Y-M D
Sujets
| Titre du fil | Réponses | Dernière modification |
|---|---|---|
| Salud dit | 1 | 24 septembre 2011 à 12:43 |
| Prof, aet kuit? | 3 | 1 octobre 2010 à 15:34 |
| Finalising the Translation Rally 2009-12 - requesting payment details | 4 | 19 juin 2010 à 13:32 |
| Fazi stumm verb | 19 | 2 mai 2010 à 19:23 |
| Qualified in Translation Rally but not claimed your cut | 4 | 1 janvier 2010 à 22:31 |
| Kemmadurioù ha ger-mell ? | 2 | 21 décembre 2009 à 14:01 |
| Implijout ha kevreañ | 5 | 19 décembre 2009 à 19:05 |
| etrefas kaozeal | 5 | 6 décembre 2009 à 15:30 |
| Volume | 5 | 6 décembre 2009 à 14:43 |
| ezteuler an amzer | 0 | 22 novembre 2009 à 14:20 |
| ereadurezh (sintaks) | 0 | 22 novembre 2009 à 12:02 |
| kemmañ/cheñch | 0 | 22 novembre 2009 à 11:48 |
Salud dit
Deut e oan d'ober un droiad. A galon
Mat-tre. Amañ eo e labouran pa vez ur prantadig amzer dieub ganin. ;-)
Prof, aet kuit?
N'ouzon ket petra 'zo o c'hoari ganto. Moarvat emaint o staliañ an traoù, setu ez eus mont dont. Emaon o paouez gwelet o deus displeget ar perak amañ. Ma fell dit e kelaouin ac'hanout pa tistroio an danvez...
Ken ar c'hentañ
Ya, mar plij ganit. Mat eo din kaout keloù diwar-benn translatewiki diganit: n'am eus ket ar pleg da vont dre amañ kalz. Trugarez.
En ober a rin digudenn. Kustum a-walc'h on d'ober un tamm tro dre amañ. Ret 'vefe din dont a-benn da echuiñ treiñ pep tra evit kaout hepken da hizivaat an droidigezhioù, met n'eo ket anat pep tra. Ouzhpenn-se n'am eus kazi amzer ebet ken evit ober war-dro, en abeg d'am studioù... Adouzhpennet o deus un nebeut traoù da dreiñ dija, ha dont a raio ar peurrest diwezhatoc'h moarvat.
Finalising the Translation Rally 2009-12 - requesting payment details
Hi! We have begun finalising the latest Translation Rally 2009-12 in which you have participated and were eligible for a part of the bounty - thank you for your contributions!
First of all my apologies for taking so very long to start processing the bounty cuts. I have no proper reason for it, just that it happened. I hope the delay on my side has not impacted the trust in translatewiki.net or what we stand for.
You have indicated that you want to have your cut (EUR 37.50) transferred to you. You have been be sent an e-mail today requesting details. In case you may not have received this e-mail, details are available. Cheers!
Fazi stumm verb
Merzet em eus e faziez ingal war displegadur ar verb gallout. Ober a rez gant "c'halloc'h" e-lec'h "c'hallit". -oc'h (pe -ot) zo evit an amzer da zont, -it zo evit an amzer-vremañ.
Setu un dra a ne ouezen ket. Pa soñjan un tamm e kav din bezañ klevet ur c'helenner rebech ouzh un den ober gant ar stumm-se, met ne ouezen ket petra 'oa direizh. Bremañ eo ret din diwall evit reizhañ an traoù. Trugarez evit an displegadenn.
Gwelet 'm eus em boa treuzkomprenet talvoudegezh ar ger "avis" e galleg, hag a dalveze "ali" evidon. N'am boa ket soñjet tamm ebet er stumm reizh ac'h implijez te (un toullad re all 'po da reizhañ 'm eus aon). Un dra all da zerc'hel soñj 'vo.
N'am eus ket re a amzer fenoz, met klask a rin respont dit e-pad ar sizhun da geñver an 19 a viz Mae. Ha klask a rin ivez en em ditouriñ da geñver va implij amzer.
A galon
hag unan all, skrivañ a rez dalc'hmat o peus > ho peus eo, gant un h (eil gour/your), o hep h zo evit an trede gour (their). Forzh penaos em boa-me bet graet gant hoc'h eus (memes tra hag ho peus), setu e reizhañ e pep lec'h ivez evit derc'hel da unvanidigezh an droidigezh. Ya, lavar din evit an 19 pa ouezi hiroc'h, mp.
Gwir eo em eus bet diaesterioù evit ober an diforc'h etre an daou stumm-se hag ivez evit gouzout peur implijout pehini. Ha gellout a rafes reiñ din ur skouer evit ma gomprenfen gwelloc'h. Me gave din e oa "o peus" ur verb, ha dre-se ne oa ket d'ober ar c'hemm-se. Moarvat e veskan un tamm pep tra, diaes eo kompren pa 'z eus diaesterioù evit kavout tud evit displegañ. Studiañ a rin un tamm donoc'h an afer-se, ha goulenn a rin sikour el Lise. Trugarez dit ivez.
Savet eo ar verb kaout (endevout) e brezhoneg diwar ar verb bezañ. E henvrezhoneg ne oa ket eus ar verb kaout e brezhoneg. Adkavout a reer en e zisplegadur elfennoù a verk ar gour (piv a gomz) hag elfennoù a verk an amzer (pegoulz e oa c'hoarvezet tra pe dra). En amzer vremañ e tispleger ar verb kaout diwar eus. Ar c'hentañ gour zo merket gant am pe em, hervez ma tegouezh ober gant ar rannig-verb a pe e. Am zo evit ar rannig a hag m zo evit ma, merk ar c'hentañ gour unan. Em zo evit ar rannig e hag m zo atav evit ma, merk ar c'hentañ gour unan. Memes tra evit an eil gour az pe ez. En trede gour unan e tiforc'her ar jener ouzhpenn (en pa vez gourel, he pa vez benel/gwregel). Er gourioù lies e adkaver ar gerioù perc'hennañ digemm : hon er c'hentañ gour lies, ho(c'h) en eil gour lies hag o en trede gour lies. An aesañ eo deskiñ an displegadur dre an eñvor :
- am eus
- az peus
- en deus
- he deus
- hon eus
- hoc'h eus (gant un adstumm ho peus)
- o deus
Neuze, e berr gomzoù, ho(c'h) a verk an eil gour lies (c'hwi), hag o an trede gour lies (int) atav.
Qualified in Translation Rally but not claimed your cut
Hey Y-M D. During the translation rally you have made 569 edits that qualified. As this is over the required 500, you can claim your cut of the bounty if you like.
Kemmadurioù ha ger-mell ?
Ur goulenn am eus da sevel. Pa 'vez elfennoù evel : "$1 {{PLURAL:$1|pajenn|pajenn}}" pe "ar $1" da dreiñ e sav ur gudenn. N'eo ket ar memes ger-mell a ranker lakaat hervez an niverenn a zo da heul pe kudenn ar c'hemmadur ha n'eo ket ar memes hini goude an holl niverennoù. Hag un diskoulm a zo pe e ranker ober un dibab "arbitraire" ?
ya, evit poent e lezez evel-se. Meur a gudenn a sav : merañ an diouer a liester goude ar sifr, merañ stumm ar ger-mell ha merañ ar c'hemmadurioù en anvioù. Ret e vefe sevel reolennoù ispisial hag evit ar mare ne'm eus ket klasket gwelet penaos mont pelloc'h. Dizesk-krenn on war ar programmiñ.
Ok mat eo evidon. Merzhet em ba an dra-se tra ken. Ha c'hoant 'm boa gouzout ma oa un dra d'ober. N'eo ket ar pouezusañ d'am soñj.
Implijout ha kevreañ
- Implijout eo an anv-verb, ket implij. Implij zo anv-kadarn hepken.
- Adwelet em eus an holl droidigezhioù evit kregiñ gant ur wiki hag a-benn ar fin em eus graet gt kevreañ dalc'hmat e plas lugañ/en em enrollañ pe en em enskrivañ. Cheñchet em eus e pep lec'h
Perak 'peus dibabet ober gant kevreañ e lec'h lugañ/en em enrollañ ? Me gav ez eo brutetoc'h hag implijetoc'h lugañ/en em enrollañ. Met ma 'z eus un abeg resis...
Lugañ a implijer kentoc'h war tachenn an tredan evit treiñ "brancher/to plug". Lugañ an neudenn, dilugañ ur benveg, hag all. Pa vez graet gant ur yezh resis eo mat diforc'hañ lugañ (brancher) eus kevreañ (connecter). Tu zo d'un urzhiataer bezañ luget hep dezhañ bezañ kevreet. Se zo kaoz am eus cheñchet.
Implij zo un anv-kadarn (nom commun), dezhañ al liester implijoù : un implij mat am eus. N'eus ket kalz a implij d'ar benveg-se. Implijout zo ur verb. Alies e implijan ar benveg-se. Ret e vo dit implijout ar benveg-se aliesoc'h. A-wechoù, pa vez komzet buan, ne vez ket distaget an dibenn-verb -out, hag e klever neuze traoù evel "Ret vo dit implij ar benveg-se". Met dre skrid eo ret skrivaén ar stumm klok : implijout.
Mat eo. Klask a rin derc'hel soñj. Labouret 'm eus kalz hiziv. Neuze ma fell dit adwelet ar pezh 'm eus graet marteze e vefe ar mare, mod all e vo re d'ober pa kendalc'hin da dreiñtraoù. Kelaouiñ a ran ac'hanout hepken, dit da welet e gwir (ma 'peus c'hoant hag amzer).
etrefas kaozeal
Merzet az peus an etrefas nevez evit kaozeal ? Liquidthreads eo. Plijout a ra din, kalz sklaeroc'h eo. Spi am eus e vo degemeret an astenn-se war an holl wikioù a-raok pell.
Volume
Implijet 'm eus ar pezh am eus kavet amañ : http://www.ofis-bzh.org/fr/ressources_linguistiques/index-termofis.php?langue_id=fr&m=volume&domaine_id=&btloupe2.x=0&btloupe2.y=0
Jañ-Mai Drapier en deus aliet ac'hanon d'ober gant pezhienn en degouezh-mañ. War a seblant ez eus anv eus ur pezh bennak (un tamm bennak).
ezteuler an amzer
E brezhoneg e vez lavaret un devezh zo, ur sizhun zo, un eurvezh zo, ur vunutenn zo, un eilenn zo met lavarout a reer : miz zo, bloaz zo, hep ger-mell. Ne lakaer skrab ebet dirak zo kennebeut rak e seurt troiennoù n'eus ket a rannig-verb "a"
ereadurezh (sintaks)
Pa droez frazennoù evel-se An implijer $3 a zo dija stanket, klask lakaat ar rener goude ar verb (brezhonekoc'h eo) ha laka an adverb e fin ar frazenn atav, evel-mañ : Stanket eo an implijer $3 dija. E brezhoneg eo dibosupl lakat un adverb dirak un anv-gwan verb evel e galleg. E brezhoneg e vez lakaet an adverb goude an anv-gwan verb atav.
- galleg : déjà fait
- brezhoneg : graet dija
- galleg beaucoup aimé
- brezhoneg : karet kalz
kemmañ/cheñch
Dre-vras em eus lakaet kemm etre kemmañ (modify) ha cheñch (change). Modify zo degas kemmoù en un dra bennak zo dija ha, dre se, e dreuzfurmiñ, e lakaat da emdreiñ; change/cheñch zo kentoc'h lakaat un dra bennak e plas un dra bennak all (dle tennañ kuit udb evit lakaat udb all en e blas). Un tuadur eo em eus klasket reiñ d'ar yezh aze, n'eo ket gwir bep tro. --Fulup 11:48, 22 November 2009 (UTC)
