2010-03-15: MediaWiki is getting ready for its 1.16 release. Complete your translation while you can!
2010-03-05: Support for WikiReader was added (32) (Other news...)
Contents |
You may want to check the following messages:
16 messages of 1133 in br don't use some variables while en uses them:
— Nike 14. tammikuuta 2007 kello 13.54 (EET)
OK, all checked but I'm not sure what to do about
because there is no plural form in Breton after numbers. Fulup 14. tammikuuta 2007 kello 15.55 (EET)
Salut! Kenavo! Je suis admin de la Wikipèdia Occitane. Je viens de voir que tu es en train de traduire des messages dont le titre contient "freecol". A partir de quelle page y as-tu accès? Je ne les trouve pas dans ma liste des messages système... Merci! Cedric31 13. maaliskuuta 2007 kello 08.11 (EET)
Hi Fulup. Thank you for your contributions. Please do not translate messages that stay the same in the language you are localising as for example you did on Järjestelmäviesti:Unit-pixel/br. I have removed the messages that were equal to English, as those will be taken from that language automatically. Cheers! Siebrand 28. elokuuta 2007 kello 09.37 (UTC)
Hi! We have begun finalising the latest Translation Rally in which you have participated and were eligible for a part of the bounty - thank you for your contributions! You have indicated that you want to have your cut (EUR 27,77) transferred to you. You have been be sent an e-mail today requesting details. In case you may not have received this e-mail, details are available. Cheers! Siebrand 18:25, 7 September 2009 (UTC)
Bonjour, je suis admin sur occitan-Uncyclopedia, Oisquipedia, mais je ne sais pas comment on dit "refresh" en occitan. Merci | 62.235.138.245 16:58, 21 September 2009 (UTC) CartoonistHenning
Dear Fulup Jakez!
I searched the page of the Ofiz ar Berzhoneg, but is did not work. So I serached you. I'm a Hungarian wikipedia editor, my name is Norbert Kiss. I need a help of a Breton speaker.
Some years ago I wrote a really short story and now I have 108 translations about it. From the six Celtic languages I have 5 versions, only the Breton is missing. The Breton wikipedists are working on their own articles and did not want to help me, so I hope, you could.
You can find any version (English / French / Celtics) you want here: [1]. Could you help me? --Eino81 08:30, 23 September 2009 (UTC)
Demat Fulup, Deuet on d'en em enskrivañ amañ evit sikour un tamm, ma vezan gouest. Ret 'vefe dit displegañ din petra 'zo d'ober ha penaos. A galon --Y-M D 12:39, 30 October 2009 (UTC)
Kroget 'm eus gant al labour un tamm. Ha posubl e vefe dit lavaret di ma 'z eo mat ? Dre ma n'on ket sur c'hoazh. Trugarez --Y-M D 14:21, 30 October 2009 (UTC)
N'on ket sur bezañ doujet mat d'ar pennlizherennoù (evit ar re gentañ), n'am boa ket merzhet e oa pouezus. --Y-M D 14:30, 30 October 2009 (UTC)
Lennet 'm eus da evezhiadenn, mat eo diwall a rin. N'eo ket gwall anat pep tra ar wech kentañ. Mod all ha posubl e vefe ober ul listenn eus ar geriaoueg un tamm spesius (evel revision pe author da skouer) ? Peogwir ne teuan ket da dreiñ traoù 'zo. Evel-se e c'helfen goulenn ganit pa vank din gerioù, hag e savfemp ul listenn. Evidon hag evit tud all (ma vefe diouto diwezhatoc'h). Trugarez --Y-M D 16:52, 30 October 2009 (UTC)
Kroget 'm eus gant an traoù simpl hag eeun evel-just. --Y-M D 10:52, 1 November 2009 (UTC)
Gwir eo e vefe diaes ober ul listenn klok eus pep tra, met plijet bras e vefen ma c'helfes treiñ din un nebeut gerioù a lakin el listenn dindan ? (n'out ket rediet respont da bep tra d'un taol, amzer 'zo). Dre vras e tibabin gerioù diazez hag a vez kavet alies.
Kavout a ran gwelloc'h e chomfe al listenn klokaet war da bajenn, e-mod-se e vezez kelaouet pa skrivan gerioù nevez (ma 'm eus ezhomm :-)). Aesoc'h e vo evidout ivez e lec'h ober mont-dont etre da bajenn ha va hini. Trugarez evit da guzulioù ivez. A galon --Y-M D 21:38, 1 November 2009 (UTC)
Petra eo "cache" ? ur memor evit ma teufe war wel fonnusoc'h ar pajennoù bet gweladennet dija .
| Thread title | Replies | Last modified |
|---|---|---|
| Ur goulennig... | 11 | 16:46, 3 February 2010 |
| Pibien hag all... | 5 | 18:26, 3 January 2010 |
| Prof an Tad Nedeleg ? | 2 | 16:06, 3 January 2010 |
| Kudennig treiñ | 6 | 14:32, 21 December 2009 |
| Mont war-raok | 12 | 07:33, 11 December 2009 |
| Un evezhiadennig | 2 | 15:07, 6 December 2009 |
Emaon o klask treiñ frazennoù evel an hini da heul : "This file is licensed under the [[<wm-license-cc-wiki-link>|Creative Commons]] Attribution 2.0 Generic license." Ur bern anezho a zo, dre-se e vefe mat e vefent troet mat diouzhtu.
Lavarout a reont e vez arabat lakaat al liamm : http://creativecommons.org/licenses/by/2.0/deed.en met lakaat "br" e plas "en", pe tennañ anezhañ ma n'eo ket bet troet. Petra 'ran neuze ?
Mod all n'ouzon ket re penaos treiñ an traoù evel "Attribution 2.0 Generic" pe "Attribution 2.0 Chile"...
Me 'm eus graet gant "Ar restr-mañ a zo dindan an aotre-implijout Creative Commons Tadelezh 2.0 Aostria". Penaos e trofes te ?
Trugarez da respont din pa c'helli evit ma c'helfen treiñ an traoù.
Attibution, zo evit anavezout gant piv emañ ar gwirioù e penn-kentañ war an oberenn. Tadeleezh ne zegouezh ket amañ. Vallée a ginnig Beli (oatrouniezh), ne agavan netra gwelloc'h evit ar mare. Generic a drofen gant hollek, rak un aotre dre-vras eo. Setu Attibution 2.0 Generic = Beli 2.0 hollek (= un aotre da impljout dre-vras). An anvioù broioù zo a ziskouez n'eo aotreet an implij nemet evit ar broioù-se. "This file is licensed under the Creative Commons Attribution 2.0 Generic license." a drofen gant Emañ ar restr-mañ dindan un aotre-implijout Creative Commons Beli 2.0 hollek. Da'm meno e c'hallez krouiñ al liammoù gant br, lennet em eus tu bennak e oa kaoz da zegas an troiennoù-se war translatewiki evit treiñ anezho ivez. Kalon dit
Trugarez evit da respont. Emaon o vont da reizhañ an traoù am boa graet dija hag ober war-dro ar re all. Mod all n'ouzon ket ha gwelet 'peus met lakaet ez eus bet deomp tro 2000 dra nevez da dreiñ (evit Wikia), labour 'zo. Tizhet on eus tro 87 % treiñ evit ar MediaWiki extensions, me gav n'eo ket fall, mont a reomp war-raok. Plijout a rafe din treiñ pep tra da vat un deiz bennak. N'ouzon ket ha posubl e vo...
Dizoloet 'm eus un dra, pa droer traoù eeun a zo bet troet dija, e vez graet kinnigoù ganto hervez ar memor treiñ. N'ouzon ket ha nevez eo... met servijout a ra evit mont buanoc'h.
Penaos 'mañ kont gant an Ofis ? Dont a reoc'h a-benn da vezañ publik a-raok an dilennadegoù rannvro ? Hag an troer neuze, diaes eo da sevenniñ ? Perak ? Lennet 'm eus e oa bet aozadurioù pouezus a-walc'h evit Breizh da sinañ ar c'harta Ya d'ar Brezhoneg (Produet e Breizh, UDB, Park an Arvorig...), brav eo. Gant ma kendalc'ho al labour-se.
A galon
Evit ar pezh a zo treiñ ar gemenadennoù saoznek war Wikipedia n'on ket deuet a-benn, met marteze n'am eus ket kemeret amzer a-walc'h evit klask kompren. N'ouzon ket re petra ober neuze. Da welet... Trug' ^^
Me a gav din e c'hallimp dont a-benn un deiz bennak ya. Kalz omp aet war-roak abaoe an hañv. Un tamm nebeutoc'h a c'houlennoùt treiñ zo en Ofis er mare-mañ setu ez eus bet goulennet ouzh troerien zo reiñ an dorn amañ (Fohanno ha Gwenn-Ael). Sikour a raio. Ya, a bouez-tre e vo an dilennadeg a zeu evit hor yezh. Ret eo deomp en Ofis dont a-benn d'ober war-dro ar gartenn skol evit ar pezh a sell ouzh ar publik rak re nebeud a glasoù divyezhek a zigor evit gallout dont a-benn. An troer a ya war-raok, emañ enlinenn war hol lec'hienn dija met n'eo ket digor d'an dud evit ar mare. Diaes eo da seveniñ rak evit ma vefe talvoudus e rank bezan ennañ ar pep brasañ eus gerioù ar yezh gant ar stummoù deveret (kador, gador, c'hador, kadorioù, gadorioù, c'hadorioù ha kement zo); da c'houde empenn mab-den hag un urzhiataer n'eo ket tre ar memes tra hag ar pezh zo anat deomp n'eo ket anat tamm ebet d'un urzhiataer. Sell ur frazenn ken eeun ha "Yen eo" a c'hall talvezout c'est froid pe il est froid. Penaos lakaat un urzhiataer d'ober an dibab mat ? Evit poent n'eus ket tu. Penaos displegañ d'un urzhiataer e c'hall ar ger sant bezañ an anv-kadarn saint pe bezañ stumm trede gour ar verb santout en amzer-vremañ. Setu aze goulennoù a ranker respont dezho. Displegañ ha diskoulmañ pep tra a ranker evit an urzhiataer. Ne ra ket burzhudoù an urzhiataerioù, ne reont nemet adreiñ ar pezh zo bet programmet enno a-raok. Kalon vat dit. Mont a ran d'ar gêr bremañ.
Kavet 'm eus e poa graet gant "Deroadenn" evit "Attibution", padal e peus lavaret din ober gant "Beli" ar wech paset... Petra 'zo ar gwellañ neuze ?
Forzh peseurt live treiñ a vefe gant ar benveg emaoc'h o sevenniñ e soñj din e vo atav un dra vat evit an holl hag evit ar brezhoneg. Ne c'hello nemet sikour, zoken ma n'eo ket gwir pep troidigezh atav. Plijet bras 'vefen ma c'hellez kelaouiñ ac'hanon pa 'vo dibaboù nevez kemeret gant an ofis pe nevezadennoù, din da c'houzout petra c'hoarvez ha penaos. Mod all m'ho pefe ezhomm sikour un deiz bennak e vin laouen da glask ober ar pezh a c'hellan. Kalon deoc'h...
Penaos e trofes "post"/"posts" e brezhoneg ? Ha "badge" ? Ha "tip(s)" ?
Hag evit afer ar frazennoù a-us petra ran ? Ur stumm all a zo ivez, ret e vefe treiñ "Attribution-Share Alike 3.0 United States" ouzhpenn. Trugarez bras dit !
Gwelet 'm eus e oa eus Omega Wiki (http://www.omegawiki.org/Meta:Main_Page). Petra eo an dra-se ? Trug'
Ur raktres geriadur met ret eo bezañ aotreet evit kemer perzh. N'eus bet nemedon o labourat war se evit ar mare : stadegoù. Troidigezhioù zo da lakaat ha termenadurioù.
Alas, gouzout a ran ne peus ket kalz amzer evit respont din.
Pa 'po amzer e c'helli lavar din ma gavez reizh ober gant "Deroadenn" evit "Attibution" pe e vefe gwelloc'h ober gant "Beli". A galon
Lennet 'm eus da respont da geñver reolenn anvioù ar bibien. Mat eo din, me n'am boa mennozh resis ebet en afer-se. Lakaet 'peus "Ret eo diwall diouzh ar spered totaliter ivez". N'ouzon ket ma oa evidon pe get. Met Bianchi a zo bet o terriñ va rerv padal e c'houlennen hepken perak ne veze ket doujet d'an dibaboù am boa lennet. Skuizhus-tre eo bet ar gaozeadenn-se gantañ ha difrouezhus penn-da-benn. A galon
Ya, gouzout a ran, ar pezh am boa c'hoant da lavaret dit, evel merour, eo ez eo dav mirout ur spered gwevn un tammig pe a-hend-all ma'z aer re a-benn d'an dud e savo kudennoù ha ne vo ket mat evit ar raktres. Gwir eo ez eus reolennoù ha, dre-vras, emañ ar gwir ganit, ret eo o lakaat da dalvezout, met ret eo santout un tammig an traoù ivez rak, a-wechoù, o klask ober re vat e tegaser muioc'h a zroug eget a vad e gwirionez. Setu, a-raok adpouezañ war ar gwiridig eo ret en em soñjal ervat. Bianchi en deus paket un taol war e fri, te zo bet dilennet da verour hag eñ n'eo ket bet. En da blas e klaskfen chom hep mont re outañ er mare-mañ, amzer d'an amzer c'hoari e dro. Perzh en doa kemeret e tabut anvioù ar bibien. An aotrou Lucius, n'eo ket un den a bouez en istor, nebeut-tre a dud a yay da lenn ar pennad-se, setu e kav din ne dalvez ket ar boan en em chikanañ adarre war ar poent-mañ. Lez da vont. Merañ an dud eo ar pep diaesañ hag ar pal eo mirout an holl labourerien dalvoudus evit ar raktres, na pegen diaes e vefe ober gant lod. Setu, a-wechoù eo dav gouzout lonkañ silioù ivez. Ma soñj eo atav.
Er mare-mañ e lakaan ma amzer er gêr da wellaat an troer emgefre ha da sevel un diaz titouroù evit ur geriadur istorel, setu ne'm eus ket bet amzer da adlenn ar pezh az peus troet c'hoazh met ober a rin. Kalon dit.
Gwir eo n'eo ket bet aes ober war-dro an afer-se. Va unan gantañ e oan er gaoz-se ha dre ma teu atav gant e brezegennoù torr-penn, eo diaes. Hag ouzhpenn n'eo ket eñ ur "référence" pa vez un afer a divizoù. Laouen spontus eo bremañ e pefe lavaret e oan totalitaer un tamm.
Ya, gwelet a ran, ne cheñcho biken. Ne'm boa ket c'hoant feukiñ ac'hanout, ne soñjen ket ennout evel den met en doare da lakaat ar reolennoù e pleustr dre-vras. Ezhomm zo degas peoc'h etre an dud evit ma adtapfe lañs ar raktres en-dro hag evit ma tostafe tud nevez.
Ya kompren a ran evel-just. Diaes eo bet merañ-se pa oan va unan er gaoz. Arabat bezañ chalet kenebeut, n'on ket bet feuket, ket re ;-) A-du on, ar peoc'h eo a ranker sevenniñ. Gant Bianchi eo diposubl d'am soñj, ne glask ket eñ en ober. Ale echu gant tout-se. Gant tout an afer-se em boa disoñjet hetiñ dit ur bloavezh mat. Evidout, evit da familh, evit an Ofis, evit al labour a reoc'h hag evit ar brezhoneg dre vras. A galon
Ha kement all dit ivez ! Emichañs e vo 2010 ur bloavezh frouezhus evit ar wiki.
Pa seller ouzh ar grafik amañ e weller ez eus bet tro 300 degasadenn ha troidigezh bet graet war hor troer etrefas en 2 zevez diwezhañ. Labour a zo bet graet ivez en devezioù a-raok. War a seblant e plij ar brezhoneg ha Wikimedia d'an tad Nedeleg.
Distreiñ a ran d'an traoù sirius. En devezioù ziwezhañ em eus klasket ober troidigezhioù evel ur marc'h labour. Va frof Nedeleg eo ;-)
Evel just e vo ret adlenn pep tra, fazioù yezh liammet gant va live a vo, met ivez fazioù dievezh. Emaon o klask echuiñ treiñ ar moduloù bihan evit ma ne chomfe nemet an traoù brasoc'h hag evit ma 'vefe aesoc'h da verañ.
Gouzout a ran ne peus ket kalz a amzer er mare-mañ hag ez eo Nedeleg hag ar bloaz nevez. Ar pezh am befe c'hoant goulenn ganit (ma 'z eo posubl) eo en em lakfemp a-du war un devez pe war ur sizhunvezh (e miz Genver pe C'hwevrer) evit lakaat an traoù da vont war-raok a galz. E-mod-se e vefe aes evidomp da c'houde, ne vefe nemet de hizivaat ar gemenadennoù. Petra soñjez eus ar mennozh-se ? Ha posubl e vefe d'ober ?
Nedeleg laouen dit ha d'as familh a-bezh.
Emaon o paouez merzhout un dra. Graet 'm eus gant "doare" evit lavar "version" padal eo ret ober gant "stumm" war a seblant. Pa adlenni ar pezh 'm eus graet bez war evezh neuze (ma adlennez, ur bern traoù a vo neuze). Trug'
An deiz all em eus jedet pet elfenn a chome deomp da dreiñ. An disoc'h : tro 5 000. Me gav n'eo ket re. Ouzhpenn ez eus elfennoù 'zo a gaver e rummadoù disheñvel, dre-se n'eus ket kement da dreiñ. Me gav ez eus lodennoù a zo aes-tre da dreiñ. Un draig am eus da c'houlenn ivez. Klasket 'm eus echuiñ treiñ rannoù, an holl re gant nebeutoc'h evit 10 elfenn a zo ar re n'on ket deuet a-benn da echuiñ, dre ma oa gerioù diaes. Mat 'vefe dit ober war-dro ar re-se evit kempenn an traoù un tamm. Emañ ar rannoù o vont war zu an orañjez hag ar gwer tamm ha tamm.
A-wechoù e kaver traoù da dreiñ evel "Global block successful". N'ouzon ket re penaos ober, ha d'am soñj ne vo ket mat an doare am eus dibabet implijout. Ma c'helfes reiñ din an doare reizhañ da dreiñ seurt frazennoù e vefe mat.
Mod all em eus savet ur goulenn all, [1], met el lec'h fall (war va fajenn din me). Trugarez da respont (ma ouezez). A galon
E gwir e teu ar gudenn eus ar ger "successfull" (pe "successfully"), succès e galleg. Ne wellan ket penaos teiñ ar ger, nag ar mennozh-se e galleg. Spi 'm eus ne vo ket re a gemmoù d'ober peogwir em eus troet kalz eus seurt traoù en devezioù ziwezhañ.
Emaon o paouez merzhout ur gudennig all, gant tout ar gerioù saozneg a vez oc'h echuiñ gant "ly" (evel Globally), "ement" e galleg (sk : globalement). Diasterioù am eus da dreiñ anezho. Treiñ a ran-se gant "en un doare hollek", ur wech c'hoazh e soñj din ne vo ket mat, labour a po neuze pa adlenni va labour. Digarez.
n'eo ket aes reiñ dit ur respont a zegouezho mat atav. Global block successful a drofen gant Stankañ hollek deuet da benn vat pe stankadenn hollek deuet da benn vat. A-wechoù e c'hallez ober gant Mat eo bet ar stankadenn hollek ivez pe stankadenn hollek echu, diouzh an dro, hervez ar mennozh pennañ zo a-dreñv d'an droienn.
Ok, klask a rin ober gant an droiennoù-se, kavout a ran anezho iskis un tamm. Labour a vo un tamm evit reizhañ va labour neuze. Mod all tu 'vefe dit klokaat al listennig gerioù mar plij, un nebeut anezho a vez kavet alies hag evefedusoc'h e vefen ma c'helfen treiñ ar gemenadennoù-se ivez. Trug'
Trugarez da vezañ klokaet al listenn gerioù. A galon.
Me 'zo bet souezhet gant ar sifroù a oa bet embannet gant GerardM war Wikipedia. Deuet e oamp a-benn da dreiñ kalz traoù er miz tremenet. D'az soñj e vo troet pep tra un deiz ?
Ya, aet omp kalz war-raok. Adtapet hon eus live ar c'hatalaneg bremañ mui pep vui. Ur pezh tra eo. Abaoe an hañv ez eus bet troet e-tro 3000 neudennad mui ar meziantoù nevez ouzhpennet war al lec'hienn abaoe (Mantis, Fudforum...). Lakaet em eus unan eus trooerien an Ofis da reiñ an dorn ivez pa vez amzer gantañ. Gant ar pezh am eus graet mui ar pezh out krog d'ober hon eus graet ur pezh kammed war-raok. Ar wech kentañ eo deomp diskenn dindan 3000 neudennad.
Me gav ez eus traoù a zo diaes mat da dreiñ. Ha disehan ez eus traoù nevez da dreiñ pe ez eo echu d'ur mare ?
Bemdez e vez cheñchamantoù, se zo kaoz eo ul labour divent ha tennet e vez traoù bet troet a-raok ivez. Ul labour difin eo met pa vimp deuet a-benn da beurdreiñ ur wech, goude-se ne chomo mui nemet heuliañ ur wech ar sizhun pe div wech ar miz d'ober. Kalz aesoc'h e vo.
D'am soñj ar pezh a vanke hag a vank c'hoazh a zo ur gwir skipailh kenlabourat.
Evel-just met n'omp ket niverus ha troet eo bet an troiennoù pouezusañ pell zo. Gwelloc'h eo e lakafe an dud o amzer da sevel pennadoù evit Wikipedia pe ar wikeriadur. Talvoudusoc'h eo.
Ya, gwir eo ar pezh a lavarez. Ha da betra servij ar pezh a droomp bremañ ? Pelec'h e vez implijet ha gwelet.
Astennoù d'ar meziant wiki int (forzh piv a c'hall sevel ur wiki). Lod anezho a vez implijet war wikioù all distag eus raktresoù Mediawiki (wikipedia, wikeriadur...) evit ezhommoù resis. Lod all c'hoazh a vo implijet war-lerc'h war raktresoù mediaWiki pa vint prest (goude bezañ bet amprouet e-pad un amzer bnk). Da skouer, e soñj din e vo implijet Liquidthreads war wikipedia a-raok pell ha mat eo e vefe bet troet a-raok. A-hend-all en em gavo ur bern traoù e saozneg war ar wikipedia brezhoneg en-dro. Da skouer ez eus bet kinniget un etrefas Beta (da amprouiñ) war wikipedia un nebeud sizhunvezhioù zo; n'ouzon ket hag-eñ e rez gantañ. Troet e oa bet ganin en a-raok. Me a gav din e vo lakaet se dre ziouer evit an holl war-lerc'h gant an diorroerien. Bez' ez eus ivez traoù na vezont gelet nemet gant tud zo (evel ar verourien da skouer, zo klokoc'h o etrefas dezho). Hag er fin ez eus ivez troidigezhioù evit meziantoù frank all n'o deus netra da welet gant mediawiki (evel Status az peus troet tammoù anezhañ) met a zo mat da gaout e brezhoneg ivez.
Ok. Me 'ra gant an etrefas Beta ha me gav ez eo mat ha klokoc'h. Mod all tro am boa bet da welet ur raktres nevez eus ar wikimedia foundation Wikiquestion pe wikianswer a gav din. Ha gouzout a rez un dra bennak diwar-benn tout-se. Petra eo Liquidthreads dija ?
Liquidthread eo anv an astenn emaomp oc'h ober gantañ bremañ hag a zo e bal degas urzh ha sklêrijenn war ar pajennoù kaozeal!
Ok, komprenet eo.
Diouzh a welan ez eo wikianswer ur wiki da sevel goulennoù db a bep seurt traoù. Hag an dud a respont.
Ya se eo. Hag ur raktres eus Wikimedia eo ? Ha dedennus e vefe en ober e brezhoneg ?
Marteze n'out ket ret lavar atav petra 'peus kemmet, ma lak ac'hanout da goll amzer.