Translating:Offline/ksh

translatewiki.net
Introduction
Getting started
How to start
Translatable
Regional settings
Process overview
Other
Versions statistics
Group statistics
See also
Localisation guidelines
Translating offline
FAQ
Support

Heh di Sigg es jedaach för Lück, di aankündijje welle, dat se met .po Dateije aam ärbeide sin, för en beschtemmpte Schprooch un en beschtemmte Jrupp vun Täxschtöckscher un Nohreeschte.

Op dä Sigg Special:Translate, do kanns De esu en Jropp als en .po Datei äxpotteere un offlain draan eröm maache. Scheck dänn aan „translatewiki AT xs4all DOT nl“ un sorresch doför, dat Dinge Name als ene Metmaacher aam translatewiki.net klohr es. All de Ändernuge wääde dämm Name zohjeschrevve. Opjepaß: Doht de Version 1.4.2 udder hüüter vun POedit nämme, wann De dat Projramm bruche wells, söns fleeje de „msgctxt“-Reije eruß, un Ding Ärbeid es för de Katz.

Sorresch doför, dat Ding Projramm för gettext-Kattaloore ze ändere winnischsdens heh di Metta-Daate em Kopp vun dä Dateieje en Rouh lööt - Versione, Dattumm un Zigge un de Schprooch künne natöörlesch ungerscheidlesch sin:

"X-Generator: MediaWiki Translate extension 2009-01-25\n"
"X-Language-Code: ksh\n"
"X-Message-Group: ext-abc\n"

Doht Üsch op de Jroppe heh noh beschrängke. Doht se müjjeleschs an dä Reijefollsch fäädesch maache, wi heh opjeleß. Op ene Lengk heh dronger klecke jiff Der ene .po Datei för zom eronger Laade för Ding Shprooch, esu wi se en dä Sigg „Special:Preferences“ aanjejovve es. Di Datteije sen UTF-8 kodeet.

• De miehs jebruchte Täxte un Nohreeschte vun MediaWiki
• All de Täxte un Nohreeschte vun MediaWiki
• De Täxte un Nohreeschte vun MediaWiki sing Zohsazprojramme, di en Wikis vun de WikiMedia Schtefftung jebruch wääde
• All de Täxte un Nohreeschte vun MediaWiki sing Zohsazprojramme

Övver Special:Translate kanns De jeede Jropp em gettext-Fommaat äxpotteere. Bovve di Lengks sen op MediaWiki zohjeschnedde.

Et jitt keine Jrond, en gettext .po--Dattei kumplätt ze övversäze. Hallef övversaz Datteije enzeschecke es keih Probleem. Doht se schecke, un doht waase, bes se empotteet sin, ih dat De met Dinge aktoälle udder nääkßt Jropp wigger määhß.

Öm bikannt ze maache, dat De aan ene beschtemmpte Jropp aam donn bes, doför kanns De dat heh nämme:

* {{Offline|shproochekood|jropp}} ~~~~

„jropp“ kann derbei jeede Jropp vun Nohreeschte un Täxte sin, wi „mantis“, udder „freecol“, udder „mediawiki core“, udder dä Name vun enem Zohsazprojramm. Sitt esu jood un doht jannze Produkte nämme udder Knubbelle vun Jroppe, weil dat Empotteere vun Hand jemaat wääde moß.