Кёчюрюу:MediaWiki/Тамал сёзлюк: Дагъанчылыкъ этгенлеге насихат

MediaWiki тамал сёзлюк — джанлы документди, бузлатылгъан тюлдю. Джамагъат джанындан хайыры ючюн дагъан бериледи. Таукел къошум этерге эмда маджаллашдырыргъа боллукъсуз, алай а тюзетиуде талай кенгешни унутмагъыз:

1. Сёзлюкню баш нюзюрю MediaWiki локалилзация бла кюрешген адамлагъа болушлукъ этиудю, артыкъсыз да джангы къошулгъанлагъа.
2. Ол бек узун болургъа керек тюлдю. Бу тергеу техниканы юсюнден бютеу терминлени, MediaWiki, Викимедиа джамагъатланы, вики тюзетиуню эмда китабхана ишни толу сёзлюгю тюлдю. Эм магъаналы билдириулени тынч, дайым эмда толу кёчюрюуде фокусун сакъларгъа («Эм кёб хайырланнган» атны да джюрютеди), сёзлюкню кесини ангыларгъа амал берирге керекди.
3. «Эм магъаналы» билдириулени тизмесине джангы терминли бидириуле къошула эсе, бу терминле сёзлюкге къошулургъа керекдиле. Билдириуле кетериле эселе, ол терминлени сёзлюкден къоратыуну неда башха сёзлюкге ташыуну юсюнден да сагъыш этерге керекди.
4. Ачыкълаулада сёзлюкде башха терминлеге джибериулени къошугъуз, алай а къуру хайырлы болурча мардада. Бир терминнге бир ачыкълауда бирден аслам джибериу салмагъыз.
5. Джибериуле шаблонну Ингилиз Википедиягъа, Викисёзлюкге эмда MediaWiki.org сайтха джибериу салыр ючюн хайырланыгъыз, алай а хар джибериу контекстине келишимли бетге баргъанындан ишексиз болугъуз. Тынгылау бла джибериуле MediaWiki.org адресге тюл, терминни аты бла Википедия эмда Викисёзлюкню статьяларына къошуладыла, ол да хаман да тюз тюлдю. Келишимли бетле джокъ эселе, nowikipedia эмда nowiktionary параметрлени хайырланыгъыз.
6. Сёзлюк, бютеу тилледе да MediaWiki эмда Викимедиа сайтлагъа ортакъгъа саналады. Къуру айры бир тилде неда викиде болгъан юлгюлени, неда белгиленнген викиледе болушлукъ бетлеге джибериулени, дагъыда белгиленнген викиледе политикаланы, джорукъланы эмда юретиулени бетлерин бериуден джанлагъыз.
7. Сёзлюкню эм магъаналы окъуучулары - адамладыла, алагъа ингилиз тил ана тил тюлдю, эмда аланы викини тюзетиуде уллу сынамлары болмазгъа боллукъду. Тилни джюрютгенле бла юреннгенлеге ачыкълау терминлени башхалыгъын кёргюзюуде иги юлгюню Merriam-Webster Сёзню магъанасы барды подкасытында (22 минут) 38. What Is a Learner's Dictionary? эпизодунда тынгыларгъа неда бу эпизодну транскриптинде окъургъа боллукъду. Бу сёзлюк, окъуучуланы сёзлюклерине ушаш болгъан оюм барды.
8. Бу сёзлюкдеги терминле эмда ачыкълаула кёчюрюуге тынч болургъа керекдиле. Сёзлюкню вики-тексти аны ючюн джарашдырылгъанды: ингилиз тилде оригинал текстге дагъан бергенлеге кесини джибериулери бла, кёчюрюу теглери бла эмда шаблонлары бла къыйыныракъ болургъа болур, алай а нюзюр кёчюрюучюлеге тынч этиудю.