Translating:MediaWiki/Тамал сёзлюк: Ал сёз
Бу бетде MediaWiki тамал сёзлюкню юсюнден толу информация барды.
Бу тизме неге керекди
- Волонтёр кёчюрюучюлеге келишимли локализация сынам алыргъа болушур ючюн.
- Тамамлы MediaWiki хайырланыучулагъа окъууда эмда тюзетиуде келишимли эмда тынч сынам алыргъа болушур ючюн.
- Буну MediaWiki локализациясы адетден келген тилледе эмда MediaWiki хайырланыучу джамагъатха къошулургъа излеген джангы тилледе этерге.
Джангы тилле ючюн кёчюрюучюлеге къалай болушургъа боллукъду?
MediaWiki Википедия проект ючюн джыйырмадан артыкъ джыл алгъа къуралгъанды. Ол кёб тилледе уллу джетишимлиди. Ол себебден, MediaWiki программа баджараыу тарихде эм кенг локализациясы болгъан программаладан бириди.
Бу джетишимге кёбден кёб тил къошулургъа излейди, алай а къошулургъа излеген джангы тиллеге терминологияны кёчюрюу къайындан къыйын бола барады. Къыйын терминлери болгъан узун айтымла джангы локализатор-волонтёрланы къоркъутадыла.
Бу эффектсизлик джаратады: локализаторланы барысыда компьютер экспертле тюлдюле, ала хайырланыучу интерфейсни тизгинлерини эмда кёбден кёб тюбеген терминлени кёчюрюулерини арасында кёчгенлей турургъа керек боладыла. Аны орнуна MediaWiki реал билдириулени кёчюрюуюне кёчгюнчю баш терминлени биринчи кёчюрюу табыракъ болургъа болур.
Бу дагъыда социал джамагъатны къурулушуну аспектиди. Джамагъатдагъыла ана тиллеринде викини сюзюуде эмда тюзетиуде толу эмда бир-бири ызындан тизилген терминологиягъа ие болсала, ала тыш викиле эмда джамагъатлагъа байламлы болмай, аны юсюнден толу сюзюуле бардырыргъа боллукъдула.
Бу MediaWiki эртдеден да кёчюрюлген тилледеги кёчюрюучюлеге къалай болушулурукъду?
Кёчюрюуледе ишлеген адамланы санларыны ёсюую деменгилиликде, эффектлиликде эмда бир-бирин тинтиуде джараулуду. Бир къауум тилледе локализация ишни кеси разылыгъы бла бир кёчюрюучю къауум джылла бла этеди. Аланы ишлери аламатды, алай а джангы адамлагъа да къошулургъа тынч болурча болургъа керекди.
Джангы волонтёр-кёчюрюучюле тилни иги билирге боллукъдула, алай а сынамлары болмагъаны ючюн келишимли терминология хайырланалмазгъа боллукъдула. Ахырында, джайылгъан тиллеге да заман-заман терминологияларын джангыртыу хайырлы болургъа боллукъду.
Бу тизме тамал эмда ортакъ компьтер терминлени нек ичинде тутады, сёз ючюн, "файл" эмда "джюклеу"?
Артыкъсыз да джайылгъан тилледе керексиз кёрюнюрге да боллукъду, алай а MediaWiki-де бу терминлени энчи магъаналары барды.
Аны тышында, MediaWiki къайсы болсада тилге кёчюрюлген биринчи программаланы бири да болуучанды, ол себебден MediaWiki кёчюрюлгюнчю бу тилледе тамал терминология да болмагъанды.
Бу джайылгъан тиллеге да хайырлыды: бу терминлени бир къаууму белгили бир тилде талай кёчюрюуге болургъа боллукъдула, алай а вики кёчюрюучюлени джамагъатында бу тилде къуру белгилеген кёчюрюуле хайырландырыладыла.