Täschnesch Hengerjrönd

This page is a translated version of a page Technology and the translation is 100% complete.

---

Translatewiki.net deiht en Reih vun Meddele aanbeede, di Üsch helpe, Ühr Övversäzonge flöcker un akkoraater ze maache.

Hülp beim Övversäze

De eifachste Hülp bem Övversäze es jraad en Versammlong vun Enfomazjuhne.

Övversäzunge en ander Shprooche

Do kanns der jede Shprooch un esu vill Shprooche ußsööke, wi De aanjezeisch krijje wells, wann De aam Övverseze bes. Di Övversäzunge en di Shprooche wääde aajezeisch, wann se ald doh sin. Övversäzunge en verwandte Shprooch künne Der en Idee jevve övver Wööter un der Sazbou. Udder et hellef Der, jät ze liehre övver di ander Shprooche!

Dokementazjohn för dat Täxshtöck

Projramme han esu en schwierije Täxshtöcker, di schlääsch ze verschtonn sin, sellvs wam_mer der Zosammehang kännt. Künnt joot sin, dat Täxshtöcker ald en Dokementazjohn dobei han, di wigger hellef. Wann dat nit esu sinn sullt, donn mir Üsch hellfe, se ze krijje. Donn Ding Frooch op uns Sigg för Support schrieve. De Dokementazjohn verzällt Der jet övver dat Täxshtöck, ov et en Övverschreff es, udder ene Knopp, wat de Plaazhallder bedügge, un wat De söns beim Övversäze weße moß.

Form-Pröfunge

Mer han einfache Pröfunge enjebout, di klein Fählersche finge: verjäße un verkehte Plaazhallder, kapott HTML, un Klammere, di nit en Paare optredde. Beim Aanzeije määt esu jet öff ene zemmlijje Driß, un et es joot, dat fröh ze fenge.

Täschnesch Hülp beim Övversäze

Mer künne och der teschnesche un wesseschafflijje Fottschrett en de Enfomaatek un de Shprooche ier Täschnolloji aanwende:

Övversäzungs_Schpeisher

Mer bruche de Projramme vum translate toolkit. Dä Övversäzungs_Schpeisher hellef Der, Övversäzzunge einheitlescher ze maache un flöcker met ähnlijje Täxshtöcker un Nohreeschte fäädesch ze wääde, un och wann sesch jät widerholle deiht.

Maschiin-Övversäzung met Apertium

Dat Apertium es ene Schret vöraan en de Zukunnf, fott vum bloß Översäzunge en annder Shprooche aanzezeije. Apertium es en Zoot Motor för Maschiin-Övversäzunge. Et deiht zwesche ähnleje un verwandte Shprooche övversäze. De Paare vun Shprooche, di et kann, un ander Saache, fengks De op däm Apertium singe Websigg.

„Google un Microsoft ier Övversäzere“

Och Vörschlääsch vun Google un Microsoft iere Övversäzungsprojramme künne jebruch wääde, wann Ding Shprooch doh dobei es. Et es nit mieh nüüdessch, di automattesche Maschine-Övversäzung sellver erövver ze kopeere, weil se ald vun Aanfang aan aan de reshtijje Shtäll ennjeblendt es.