Project:Politica de confidentialitate

From translatewiki.net
Jump to: navigation, search
This page is a translated version of the page Project:Privacy policy and the translation is 100% complete.

Other languages:
Afrikaans • ‎Ænglisc • ‎العربية • ‎asturianu • ‎авар • ‎azərbaycanca • ‎تۆرکجه • ‎Bikol Central • ‎беларуская • ‎български • ‎روچ کپتین بلوچی • ‎বাংলা • ‎བོད་ཡིག • ‎بختیاری • ‎brezhoneg • ‎bosanski • ‎català • ‎нохчийн • ‎کوردیی ناوەندی • ‎čeština • ‎словѣньскъ / ⰔⰎⰑⰂⰡⰐⰠⰔⰍⰟ • ‎dansk • ‎Deutsch • ‎Zazaki • ‎dolnoserbski • ‎डोटेली • ‎Ελληνικά • ‎emiliàn e rumagnòl • ‎English • ‎British English • ‎Esperanto • ‎español • ‎español (formal) • ‎eesti • ‎euskara • ‎فارسی • ‎suomi • ‎føroyskt • ‎français • ‎Frysk • ‎galego • ‎Avañe'ẽ • ‎ગુજરાતી • ‎客家語/Hak-kâ-ngî • ‎Hawaiʻi • ‎עברית • ‎हिन्दी • ‎hrvatski • ‎hornjoserbsce • ‎magyar • ‎interlingua • ‎Bahasa Indonesia • ‎ГӀалгӀай • ‎italiano • ‎日本語 • ‎ქართული • ‎қазақша (кирил)‎ • ‎ភាសាខ្មែរ • ‎ಕನ್ನಡ • ‎한국어 • ‎Karjala • ‎Ripoarisch • ‎Kurdî (latînî)‎ • ‎Кыргызча • ‎Lëtzebuergesch • ‎لەکی‎ • ‎لۊری شومالی • ‎lietuvių • ‎Mizo ţawng • ‎latviešu • ‎македонски • ‎मराठी • ‎Bahasa Melayu • ‎Nāhuatl • ‎Bân-lâm-gú • ‎Napulitano • ‎Nederlands • ‎occitan • ‎Livvin-Karjalan • ‎Oromoo • ‎ਪੰਜਾਬੀ • ‎Kapampangan • ‎Deitsch • ‎polski • ‎Piemontèis • ‎پښتو • ‎português • ‎português do Brasil • ‎română • ‎tarandíne • ‎русский • ‎саха тыла • ‎Scots • ‎سنڌي • ‎Sängö • ‎srpskohrvatski / српскохрватски • ‎සිංහල • ‎slovenčina • ‎slovenščina • ‎shqip • ‎српски (ћирилица)‎ • ‎svenska • ‎தமிழ் • ‎ತುಳು • ‎తెలుగు • ‎ไทย • ‎Tagalog • ‎толышә зывон • ‎Türkçe • ‎татарча • ‎ⵜⴰⵎⴰⵣⵉⵖⵜ • ‎удмурт • ‎ئۇيغۇرچە • ‎українська • ‎اردو • ‎vepsän kel’ • ‎Tiếng Việt • ‎მარგალური • ‎ייִדיש • ‎中文(简体)‎ • ‎中文(繁體)‎ • ‎中文(香港)‎

Campo de application general

Iste politica coperi le informationes personalmente identificabile colligite o immagazinate per translatewiki.net in su servitores in relation al projecto e su communitate. Translatewiki.net collige e retene le minime quantitate de informationes personalmente identificabile necessari pro satisfacer le necessitates operational del projecto.

Le natura public e collaborative del projectos

Translatewiki.net es disveloppate collaborativemente per su usatores usante le software MediaWiki. Omnes a qui ha essite concedite le permissiones de modification pote modificar le paginas modificabile de iste sito post haber aperite un session como usator registrate. Per facer isto, le redactores crea un documento publicate, e un registro public de cata parola addite, subtrahite o cambiate. Isto es un acto public, e le redactores es identificate publicamente como le autor de tal cambiamentos. Tote le contributiones facite a iste projecto, e tote le informationes publicamente disponibile super iste contributiones, es irrevocabilemente licentiate e pote esser liberemente copiate, citate, reusate e adaptate per tertie personas con pauc restrictiones.

Activitates in translatewiki.net

In general, iste politica se applica solmente a informationes private immagazinate o retenite per translatewiki.net le quales non es publicamente disponibile.

Le interactiones con translatewiki.net non coperite per iste politica include, ma non es limitate a, aspectos de navigation e modification de paginas, e le uso del function "inviar e-mail al usator" del wiki. Iste actiones pote revelar le adresse IP de un contributor, e possibilemente altere informationes personal, indiscriminatemente al publico general, o a gruppos specific de voluntarios que age independentemente de translatewiki.net.

Le usatores pote etiam interager le unes con le alteres extra translatewiki.net, via e-mail, IRC o altere chat, o sitos web independente, e deberea evalutar le riscos involvite, e lor besonio personal de vita private, ante de usar iste methodos de communication.

Contos de usator e autorato

Translatewiki.net require que le redactores crea un conto a su sito web, ben que alcun paginas pote esser modificate sin aperir un session con un nomine de usator, in le qual caso illes essera identificate per le adresse IP de lor rete. Le usatores que crea un conto es identificate per lor nomine de usator seligite. Le usatores selige un contrasigno, le qual es confidential e usate pro verificar le integritate de lor conto. Salvo in le mesura que isto pote esser requirite per lege, nulle persona debe divulgar, o exponer conscientemente, le contrasignos de usatores e/o le cookies generate pro identificar un usator. Un vice create, le contos de usator non essera removite, salvo si il ha un obvie intention malitiose, secundo le judicamento del personal de translatewiki.net. Il pote esser possibile cambiar un nomine de usator. Translatewiki.net non garanti que un nomine de usator essera cambiate a requesta.

Objectivo del collection de informationes private

Translatewiki.net limita le collection de datos personalmente identificabile del usator al objectivos que servi le ben-esser de su projectos, includente ma non limitate al sequentes:

  • Pro augmentar le responsabilitate public del projecto. Translatewiki.net recognosce que omne systema que es sufficientemente aperte pro permitter le plus grande participation possibile del publico in general essera etiam vulnerabile a certe typos de abuso e comportamento contraproductive. Translatewiki.net ha establite un numero de mechanismos pro prevenir o remediar le activitates abusive. Per exemplo, quando se investiga abuso in le projecto, includente le suspicion del uso de "sockpuppets" malitiose (contos duplicate), vandalismo, assedio de altere usatores, o comportamento disruptive, le adresses IP de usatores (derivate o del pertinente registros o del informationes in le base de datos) pote esser usate pro identificar le origine(s) del comportamento abusive. Iste informationes pote esser divulgate per usatores con autoritate administrative qui es cargate de proteger le projectos.
  • Pro fornir statisticas del sito. Translatewiki.net face monstras statistic del datos brute del registros del visitas de usatores. Iste registros es usate pro producer le paginas de statisticas del sito; le datos brute del registros non es rendite public.
  • Pro resolver le problemas technic. Le datos del registros pote esser examinate per programmatores in le curso del resolution de problemas technic e in le traciamento del robots web a mal comportamento que supercarga le sito.

Translatewiki.net pote cargar ressources como JavaScript de servitores externe, le qual pote afficer le vita private del usator (per exemplo Google Adwords o avisos de traduction). Il es le responsabilitate del usator de mitigar le exposition de detalios indesirate a causa del cargamento de ressources de servitores externe.

Detalios super le retention de datos

Expectationes general

Adresse IP e altere informationes technic

Quando un visitator requesta o lege un pagina, nulle altere information es colligite que illos typicamente colligite per sitos web. Translatewiki.net pote retener le registros brute de tal transactiones, ma illos non essera publicate.
Si un pagina es modificate per un redactor authenticate, le servitor immagazina confidentialmente le informationes relative al adresse IP durante un periodo limitate de tempore. Iste information es automaticamente delite post un periodo definite. Pro le redactores non authenticate, le adresse IP es usate publicamente e creditate permanentemente como autor del modification. Il pote esser possibile que un tertie persona identifica le autor ab iste adresse IP in conjunction con altere informationes disponibile. Aperir un session con un nomine de usator registrate permitte un melior preservation del vita private.

Cookies

Le sito depone un cookie de session temporari in le computator de un visitator sempre que un pagina es visitate. Le lectores qui non intende aperir un session o modificar pote refusar iste cookie; illo essera delite al fin del session del navigator. Plus cookies pote esser deponite si on aperi un session pro mantener le session permanente. Si on immagazina un nomine de usator o contrasigno in le navigator, ille information essera immagazinate durante 30 dies al maximo, e iste information essera reinviate al servitor a cata visita a iste projecto. Le contributores usante un machina public qui non vole revelar lor nomine de usator a usatores futur del machina debe rader iste cookies post uso.

Historia de paginas

Le modificationes o altere contributiones al projecto a traductiones, paginas de usator, paginas de discussion o altere paginas es generalmente retenite pro sempre. Remover texto del projecto non lo dele permanentemente. In general, omnes pote examinar un previe version de un pagina e vider lo que esseva illac. Mesmo si un articulo es "delite", un usator incargate de un nivello plus alte de accesso pote ancora vider lo que ha essite removite del vista del publico. Informationes pote esser delite permanentemente per individuos con accesso a translatewiki.net, ma a parte del rar circumstantia ubi translatewiki.net es requirite de deler material del historia de modificationes in responsa a un ordine judicial o processo legal equivalente, il non ha garantia que alcun deletion permanente evenira.

Contribution de usatores

Le contributiones de usatores es etiam aggregate e disponibile al publico. Le contributiones de usatores es aggregate secundo lor stato de inscription e de authentication. Le datos super contributiones de usatores, como le horas al quales le usatores modificava e le numero de modificationes que illes ha facite, es publicamente disponibile via le listas de contributiones de usatores, e in formas aggregate publicate per altere usatores.
Lectura de projectos
Nulle information de usatores e altere visitatores qui lege paginas es colligite altere que illos typicamente colligite per sitos web in le registros de servitor. Ultra le precitate datos crude de registro colligite a fines general, le visitas de paginas non expone le identitate de un visitator al publico. Le monstras del datos crude de registro pote includer le adresse IP de qualcunque usator, ma non es reproducite publicamente.
Modification de projectos
Le modificationes a paginas es identificate con le nomine de usator o adresse IP de rete del modificator, e le historia de modificationes es aggregate per autor in un lista de contributiones. Tal informationes essera disponibile permanentemente.
Usatores registrate e authenticate:
Le usatores authenticate non expone lor adresse IP al publico excepte in casos de abuso, includente vandalismo de un pagina wiki per le usator o per un altere usator con le mesme adresse IP. Le adresse IP de un usator es immagazinate in le servitores de translatewiki.net durante un periodo de tempore, e pote esser vidite per le administratores de servitor e per le usatores a qui ha essite concedite le accesso CheckUser.
Le informationes de un adresse IP, e su connexion a eventual nomines de usator que lo usa in commun, pote esser divulgate in certe circumstantias (vide hic infra).
Le redactores qui usa un servitor de e-mail corporative a casa o qui telelabora via un connexion internet per DSL o cablo es probabilemente facile a identificar per lor adresse IP; in tal caso il pote esser facile a trans-identificar tote le contributiones al projecto facite desde iste adresse IP. Le uso de un nomine de usator es un melior modo de preservar le vita private in iste situation.
Usatores registrate ma non identificate e usatores non registrate:
Le redactores qui non ha aperite un session pote esser identificate per adresse IP de rete. Dependente de su connexion, iste adresse IP pote esser traciabile a un grande providitor de servicio Internet o plus specificamente a un schola, interprisa o domicilio. Il pote esser possibile usar iste information in combination con altere informationes, includente le stilo e preferentias de modification, pro identificar un autor completemente.
Discussiones
In paginas de discussion del wiki:
Omne pagina modificabile pote theoreticamente esser le loco de un discussion. In general, discussiones in translatewiki.net occurre in paginas de discussion personal (associate con particular usatores), in le paginas de discussion del projectos supportate (associate con particular projectos) o in paginas specialmente designate pro functionar qua foros (p.ex. le pagina Support). Le expectationes de confidentialitate se applica al paginas de discussion del mesme maniera que illos lo face alibi.
Via e-mail:
Le usatores non es requirite a listar un adresse un e-mail quando illes se registra. Le usatores qui provide un adresse de e-mail valide pote permitter a altere usatores authenticate de inviar e-mail a illes per le wiki. Quando on recipe e-mail de altere usatores per iste systema, su adresse de e-mail non es revelate a illes. Quando on opta pro inviar e-mail a altere usatores, su adresse de e-mail es monstrate como le expeditor.
Le adresse de e-mail entrate in su preferentias de usator pote esser usate per translatewiki.net pro communication. Le usatores de qui le contos non ha un adresse de e-mail valide non potera reinitialisar lor contrasigno si illo es perdite. In un tal situation, nonobstante, usatores poterea contactar un del administratores de servitor de translatewiki.net pro entrar un nove adresse de e-mail. Un usator pote remover le adresse de e-mail del conto de su preferentias a omne tempore pro impedir lo de esser usate. Le correspondentia private inter usatores pote esser salveguardate al discretion de ille usatores e non es subjecte al politica de translatewiki.net.
In IRC:
Le canales IRC non face officialmente parte de translatewiki.net e non es operate in servitores controlate per translatewiki.net. Le adresses IP de usatores qui conversa per medio de un tal servicio pote esser exponite a altere participantes. Le vita private de usatores de IRC in cata canal pote solmente esser protegite secundo le politicas del servicio e canal respective. Differente canales ha differente politicas super le publication de registros.

Accesso a, e divulgation de, information personalmente identificabile

Accesso:

Le projecto es primarimente exequite per contributores voluntari. Alcun usatores dedicate es dotate de accesso privilegiate. Per exemplo, le nivellos de accesso de un usator a translatewiki.net es determinate per le presentia del usator in varie "projectos supportate". Le derectos del gruppos de usatores e le membros de gruppos es disponibile publicamente.

Altere usatores qui pote haber accesso a informationes private e identificabile include, ma non es limitate a, usatores qui ha accesso al function CheckUser, empleatos, personas designate e contractantes de translatewiki.net e agentes empleate per le operatores de translatewiki.net, e programmatores e alteres con alte nivellos de accesso al servitor.

Partir informationes con altere usatores privilegiate non es considerate como "distribution".

Divulgation: Politica super le divulgation de datos

Es le politica de translatewiki.net que le datos personalmente identificabile colligite in le registros del servitor, o per le registros in le base de datos via le function CheckUser, o per altere methodos non disponibile al publico, pote esser divulgate per voluntarios o le personal de translatewiki.net, in qualcunque del sequente situationes:

  1. In responsa a un citation valide o altere requesta judicial compulsori,
  2. Con le permission del usator in question,
  3. Si necessari pro le investigation de planctos de abuso,
  4. Si le information pertine a visitas de paginas generate per un "spider" o robot e su dissemination es necessari pro illustrar o resolver problemas technic,
  5. Si le usator ha vandalisate articulos o se ha comportate persistentemente de modo disruptive, datos pote esser revelate a un providitor de servicio, transportator, o altere tertie entitate pro assister in le identification de blocos IP, o pro assister in le formulation de un plancto a relevante providitores de servicio internet,
  6. Si isto es rationabilemente necessari pro proteger le derectos, proprietate o securitate de translatewiki.net, de su usatores o del publico.

Excepte como describite hic supra, le politica de translatewiki.net non permitte le distribution de informationes personalmente identificabile in alcun circumstantia.

Accesso per tertios e notification de usatores registrate al reception de un injunction legal:

Como principio general, le accesso a, e retention de, datos personalmente identificabile in tote le projectos debe esser minimal e debe esser usate solo internemente pro servir le ben-esser del projecto. Occasionalmente, totevia, translatewiki.net pote reciper un citation o altere requesta compulsori de un agentia judiciari o un corte o corpore governamental equivalente que requesta le revelation de informationes super un usator registrate, e pote esser compellite per lege de conformar se al requesta. In le evento de un tal requesta legalmente compulsori, translatewiki.net tentara notificar le usator in question intra tres dies de labor post le arrivata de tal citation per inviar un notitia al adresse de e-mail (si existe) que le usator in question ha listate in su preferentias de usator.

Translatewiki.net non pote consiliar un usator recipiente un tal notification concernente le lege o un responsa appropriate a un citation. Translatewiki.net nota, totevia, que tal usatores pote haber le derecto legal de resister o limitar iste information in tribunal per deponer un motion pro cancellar le citation. Le usatores qui desira opponer se a un citation o altere requesta compulsori deberea cercar consilio legal concernente le derectos applicabile e proceduras que pote esser disponibile.

Si translatewiki.net recipe un motion deponite al tribunal pro cancellar o alteremente limitar le citation como resultato de action per un usator o su advocato, translatewiki.net non divulgara le informationes requestate usque translatewiki.net recipe un ordine del tribunal a facer lo.

Le usatores registrate non es requirite a fornir un adresse de e-mail. Nonobstante, si un usator registrate non forni un adresse de e-mail, translatewiki.net non potera notificar le usator in question in messages de e-mail private si illo recipe un requesta judiciari a divulgar informationes personalmente identificabile super le usator.

Repudiation

Translatewiki.net crede que le mantenimento e preservation del confidentialitate de datos de usatores es un valor importante. Iste Politica de confidentialitate e actiones de translatewiki.net representa un effortio ingagiate a salveguardate le securitate del limitate informationes de usator que es colligite e retenite in nostre servitores. Nonobstante, translatewiki.net non pote garantir que le informationes de usator remanera private. Nos recognosce que, in despecto de nostre effortio ingagiate a proteger le informationes de usatores, individuos determinate pote totevia disveloppar methodos de extraction de datos o altere modos de discoperir tal informationes e divulgar los. Pro iste ration, translatewiki.net non pote offerer alcun garantia contra le accesso non autorisate a informationes fornite in le curso de participar in projectos de translatewiki.net o communitates connexe.

In cases of conflicting information between a translated version of this page and the original version in the English language, the English version will take precedence over the translated version.