Enföhrung
| Der nächste Schret | Loßßlääje, ävver wi? |
|---|
| translatewiki.net |
|---|
| Övverseech |
| Der Aanfang |
| Ennföhrong en et Övversäze |
| Esu kam_mer loßlääje |
| Loor och noh... |
| Reeschlinnije fö_t Lokallisėere |
| Offlain övversäze |
| Froore un Antwoote |
| Support |
Enföhrung
Et Övversäze un et Aanpaße aan de Rejohne es alljemein weeschtesch. Et määd et müjjelesch, dat Lück Projramme aam Kompjuter verschtonn un bedehne künne, och wann se kei Änglesch künne. MehdijaWikki, för e Beijschpell, weed för de Wikkipehdija en enem Houfe vun Schprohche jebruch. Dröm hellef se ze övversäze tiräk dobei, aan dat janze freije Weße en de eije Schprohch eraan ze kumme. Mih doh drövver kanns De en dä Dokementazjuhn övver Gettext lässe, un en de Wikkipehdija sällver.
Hee em Translatewiki.net boue mer en Struktuhr, un donn se emmer wigger verbäßere, öm op en eijfache Aat open-source-Projäkte en ander Schprohche ze övverdrahre, un och freije jeschrevve Dokemänte. Mer schtränge ons aan, ons zwai Zihle jepak ze krijje.
Et eeste Ziel es för uns et Fluppe. Öm de Produktivität aanzehëvve, dom_mer uns eng en der Vörjang vum Wiggerentweckele vun de Projramme enbränge. Esu ham_mer koote Zigge, bes jet do dren es. Ußerdäm dom_mer Werkzüsch, Projramme un Automaate entweckele, öm de Övversäzonge enzeboue. Dat määd_et müjjelesch, dat sesch de Övversäzer drop kaprezeere künne, de beste Övversäzunge ze fenge.
Uns Ziel Nommer zwei es et Zosammewerke. Dat janze Süßteem es op e Wiki drop opjebout. MediaWiki es e jängesch Wiki_Projramm. Dohmet kam_mer Minsche zosammebrënge. Mer bedde de Övversäzzer, sesch ungereneijn ze hellfe, en divärsea Aate, övver de Jrenze vun Schprohche un Projäkte erövver, un och als ene Kett zwesche de Projamm_Määsher un de Övversäzzere ze werke.
Et es nit nühdesch, ze weße, wi mer projrammehre deiht. Wann De Desch met enem Wikki_Projramm ußkenne deihß, dann weed_et Der leisch falle, ze lihre, wi mer et Translatewiki.net bedehne un noze kann. Wat De bruchs, es joht met Dinge Schprohche ömjonn ze künne, un mem Web-Brauser, un met Dingem Verschtand.
Et Flaggscheff onger de Projäkte vum translatewiki.net – MehdijaWikki – es em Momang en mih wi 300 Schprohche en Jebruch. Mer krijje Täxte udder Nohreeschte neu aanjepaß udder neu dobei en mih wi 100 Schprohche en jehdem Mohnd.