Project:Wo

From translatewiki.net
Jump to: navigation, search
This page is a translated version of the page Project:About and the translation is 95% complete.

Other languages:
تونسي/Tûnsî • ‎Afrikaans • ‎Ænglisc • ‎العربية • ‎مصرى • ‎অসমীয়া • ‎asturianu • ‎azərbaycanca • ‎تۆرکجه • ‎башҡортса • ‎Boarisch • ‎Bikol Central • ‎беларуская (тарашкевіца)‎ • ‎български • ‎روچ کپتین بلوچی • ‎বাংলা • ‎بختیاری • ‎brezhoneg • ‎bosanski • ‎català • ‎нохчийн • ‎کوردیی ناوەندی • ‎čeština • ‎словѣньскъ / ⰔⰎⰑⰂⰡⰐⰠⰔⰍⰟ • ‎Чӑвашла • ‎dansk • ‎Deutsch • ‎Zazaki • ‎dolnoserbski • ‎डोटेली • ‎eʋegbe • ‎Ελληνικά • ‎emiliàn e rumagnòl • ‎English • ‎Canadian English • ‎British English • ‎Esperanto • ‎español • ‎eesti • ‎euskara • ‎فارسی • ‎suomi • ‎føroyskt • ‎français • ‎Nordfriisk • ‎Frysk • ‎galego • ‎𐌲𐌿𐍄𐌹𐍃𐌺 • ‎ગુજરાતી • ‎客家語/Hak-kâ-ngî • ‎Hawaiʻi • ‎עברית • ‎hrvatski • ‎Hunsrik • ‎hornjoserbsce • ‎magyar • ‎interlingua • ‎Bahasa Indonesia • ‎ГӀалгӀай • ‎italiano • ‎日本語 • ‎ქართული • ‎қазақша (кирил)‎ • ‎ភាសាខ្មែរ • ‎ಕನ್ನಡ • ‎한국어 • ‎Karjala • ‎Ripoarisch • ‎Kurdî (latînî)‎ • ‎Кыргызча • ‎Latina • ‎Lëtzebuergesch • ‎لەکی‎ • ‎لۊری شومالی • ‎lietuvių • ‎Mizo ţawng • ‎latviešu • ‎文言 • ‎македонски • ‎മലയാളം • ‎मराठी • ‎Bahasa Melayu • ‎Nāhuatl • ‎Bân-lâm-gú • ‎norsk bokmål • ‎Plattdüütsch • ‎Nederlands • ‎occitan • ‎Livvin-Karjalan • ‎Oromoo • ‎ਪੰਜਾਬੀ • ‎Kapampangan • ‎Deitsch • ‎Pälzisch • ‎polski • ‎Piemontèis • ‎پښتو • ‎português • ‎português do Brasil • ‎română • ‎tarandíne • ‎русский • ‎русиньскый • ‎саха тыла • ‎Scots • ‎سنڌي • ‎Sängö • ‎slovenščina • ‎shqip • ‎српски (ћирилица)‎ • ‎svenska • ‎தமிழ் • ‎ತುಳು • ‎తెలుగు • ‎ไทย • ‎Tagalog • ‎толышә зывон • ‎Türkçe • ‎татарча • ‎ⵜⴰⵎⴰⵣⵉⵖⵜ • ‎ئۇيغۇرچە • ‎українська • ‎اردو • ‎vepsän kel’ • ‎Tiếng Việt • ‎მარგალური • ‎ייִדיש • ‎ⵜⴰⵎⴰⵣⵉⵖⵜ • ‎中文(简体)‎ • ‎中文(繁體)‎
Torchlight kopete.png

Translatewiki.net je lokalizaciska platforma za přełožowanske zhromadźenstwa, rěčne zhromadźenstwa a swobodne projekty zjawneho žórła. Je so z lokalizaciju za MediaWiki započało. Pozdźišo su so rozšěrjenja MediaWiki, FreeCol a druhe swobodne projekty zjawneho žórła přidali. Hlej dospołnu lisćinu podpěrowanych projektow.

Translatewiki.net njeje ani dźěl projektow załožby Wikimedia Foundation ani někajkeje druheje załožby abo projekta wotewrjeneho žórła. Wudźeržuje so wot Nike a Siebrand, kotrejž staj wuwiwarjej a mataj kedźbyhódne nazhonjenje w i18n a l10n, kaž tež wot druhich sobudźěłaćerjow. Přełožowanska funkcionalnosć so přez rozšěrjenje MediaWiki Translate dodawa. Tutón wiki přeco eksperimentalny kod wobsahuje a wupadnuje hdys a hdys. Prošu sćerpń so, problemy budu so skoku wotstronjeja. Problemy móžeš na stronje Podpěra zdźělić.

Wuslědźenje

Crystal 128 khelpcenter.png

Čehodla translatewiki.net wužiwać?

Su tu jenož někotre klučowe dypki. Hlej wjace wo přełožowanju w dokumentaciji; a čehoždla ty měł naše projekty přełožować: hlej jich strony.

  • Najlěpši přełožowanski nastroj we webje. Wšě lokalizaciske aktualizacije wotměwaja so na wužiwarskim powjerchu, a su ludźo kołowokoło, kotřiž móža přełožowarjam pomhać. Za wutworjenje přełožka su pokazki, zo by korektny woznam a wužiće teksta rozumił, kotryž dyrbi so přełožić. Nimo toho su namjety ze přełožowanskeho składa a słužbow mašinoweho přełožowanja.
  • Wosebite priwilegije trěbne njejsu, kóždy móže přinošować. Kóždy, kotryž móže w rěči přinošować (hlej deleka) smě k lokalizaciji teje rěče přinošować.
  • Je lochko změny slědować. Njepřełožene zdźělenki njejsu jeničke, kotrež hodźa so namakać: hdyžkuli žórłowy tekst so měnja, budu so potrjechene přełožki za lóšu identifikaciju woznamjenjeć. Přełožowarjo njetrjebaja dołho hódać, štož dyrbi so činić.

Zmóžń swój softwarowy projekt na translatewiki.net, jeli njeje so to hišće stało.

Přehlad wo metodźe translatewiki.net

  • Na translatewiki.net přełožowarjo přełožuja powjerch softwary za produkty, hdźež jendźelske znamješkowe rjećazki su so z koda izolowali a do jednotliwych "zdźělenkow" rozdźělili.
  • Hdyž so nowy projekt přidawa, budu so jendźelske žórłowe zdźělenki importować. Hdys a hdys so dalše nowe jendźelske zdźělenki importuja.
  • Přełožki hodźa so w kóždej rěči za kóždu zdźělenku na wosebitej podstronje jendźelskeho originala činić, /xxx za rěčny kod xxx.
  • Podstrony z mjenom /qqq so za dokumentowanje powěsće wužiwaja. Dokumentacija so manuelnje pisa a ma zwjetša tam lěpšu kwalitu, hdźež dobra komunikacija z originalnym teamom softwaroweho wuwiwanja eksistuje. Jeli komentary ze žórłoweho koda su dźěl softwaroweho projekta, tute so tež na přełožowanskim powjerchu zwobraznja.
  • Přełožowarjo namjetuja originalnu zdźělenku polěpšić abo korigować abo ju přiměrić, zo by lokalizaciju podpěrała. Jeli su přezjedni, implementuja je čłonojo translatewiki.net, kotřiž su wuwiwarjo we wotpowědowacym projekće, abo zdźěleja so projektowym wuwiwarjam.
  • Dokónčene přełožki za kóždu rěč "přepodawaja" so sobudźěłaćerjam translatewiki.net, tak ruče kaž cyłkowna ličba přełožkow za projekt w tej rěči je dojednanu minimalnu hódnotu překročiła. Za častosć přepodaćow a minimalne hódnoty hlej projektowe strony.
  • Wozjewjenje přełožkow wotpowědneje softwary, kotrež su so projektej přepodali, kontroluje so a wuwjedźe so wot projektowych administratorow a translatewiki.net nima wliw na to.
  • Přełožowarjo, kotřiž na MediaWiki dźěłaja, přełožuja tež mjena specialnych mjenow, magiske słowa a mjenowe rumy z pomocu strony Rozšěrjene přełožowanje MediaWiki.
  • Hdyž so nowa rěč na translatewiki.net připrawja, zapřijimaja zapiski, kotrež so na spočatku lokalizuja, pismo a jeho směr a narunansku rěč; druhe lokalizowane zapiski móžeja datumowy a časowy format, ličbowy format a funkcije PLURAL, GRAMMAR a GENDER wobsahować. Konwergenca z lokalizaciskimi datami CLDR so runje rozwažuje. Tuchwilu přełožene rěčne mjena su jeničke daty, kotrež so direktnje z CLDR do translatewiki.net a MediaWiki přejimaja.

Awtorske prawo a rukowanske wuzamknjenje

CC some rights reserved new.svg
TRANSLATEWIKI.NET GARANTIJU NA PRAWOSĆ NJEDAWA

Wužiwanje přełožkow w translatewiki.net je na swójske riziko. Maja wužitne być, ale translatewiki.net njemóže płaćiwosć tu k dispoziciji stejaceho wobsaha garantować.

Translatewiki.net a jeho wobdźěłarjo njedawaja žane zaručenje na někajkižkuli wobsah, hač eksplicitnje abo implicitnje zwurzanjene abo zakonske, inkluziwnje, ale nic na to wobmjezowane, zaručenje na předawajomnosć abo přihódnosć za wěsty zaměr abo zaručenje na bjezzmylkowosć wobsaha.

Přełožki wot přełožowarjow so z CC-BY 3.0 licencuja a wotwodźene dźěła dadźa so pod licencami wotpowědnych swobodnych a wotewrjenych projektow licencować, kotrymž přełožki su so přidali abo budu so přidawać. Wobsah wužiwarskich stronow maja za awtora za "Wšě prawa wuměnjene". Druhi wobsah je pod CC-BY 3.0 licencowany, chibazo druha licenca abo awtorske prawo so eksplicitnje podawa.

Stawizny

Mediawiki-logo.png

Translatewiki.net startowaše w lěće 2006 jako testowy wiki, wuwity wot Nike, w zhromadnym dźěle z Gangleri, jako internacionalizaciski nastroj za lokalizaciju softwary MediaWiki. Startowaše so pod mjenom Betawiki, kotrež so spočatk 2009 do translatewiki.net změni, po tym zo sydło bu 9. nowembra 2007 do wirtuelneho serwera pod swojim domenowym mjenom přepołožene. Hač do oktobra 2007 bu na translatewiki.net w někak 70 rěčach lokalizowane, kotrychž ličba so hač do junija 2010 na 329 narosće. Kak ličba rěčow je narostła, je w tabeli přełožowanskich milnikow widźeć, kotraž bu za MediaWiki załožena. W januarje 2010 bu wutwar za powyšenje serweroweje kapacity trjeba, zo by ze stajnje rosćacej aktiwitu krok dźeržało. Netcup wulkomyslnje hospoduje translatewiki.net wot nowembra 2007.

Druhe swobodne projekty zjawneho žórła buchu poněčim k translatewiki.net přidate, započinajo z FreeCol w awgusće 2007. Do junija 2010 je ličba podpěranowanych projektow na 16 narostła.

Sobuskutkowacy w translatewiki.net su wšitcy dobrowólni, wothladajo wot jednoho sobudźěłaćerja, kotryž za dźěl jeho časa zapłatk dóstawa (hlej financowanje deleka). Wuwiwarjo, administratorojo a přełožowarjo buchu na spočatku z projektow MediaWiki nawabjeni, wosebje z Wikimedije. Najwjace našich sobuskutkowacych hišće přichadźeja z MediaWiki, ale přez stajne přidawanje dalšich projektow, MediaWiki jeničke žórło sobuskutkowacych wjace njeje. Junij 2010 je ličba zregistrowanych přełožowarjow 1860 była.

W sobudźěle z Stichting Open Progress a FUDForum translatewiki.net zarjadowa wjacore přełožowanske wubědźowanja z premijemi za přełožowarjow, zo by so lokalizacija MediaWiki a FUDforum polěpšiła.

Cile translatewiki.net wopisuja so w zawodźe. Techniske pomocki za přełožowarjow wopisuja so na stronje technologija. Tute pomocki rozšěrjeja so a polěpšeja so prawidłownje, zo bychu přełožowanske dźěło tak eficientne kaž móžno činili. Potrěbnosće aktualneho sydła a aktualne wuwiće wopisuja so na stronje Issues and features.

The aims of translatewiki.net are described on the Introduction. Technological aids to translators are described on the Technology page. These aids are continually being expanded and improved in order to make the translation work as efficient as possible. Current site needs and development are described on Issues and features.

Financowanje

P economy blue.png
  • Translatewiki.net is kindly hosted by Netcup – webspace and vServer, at their expense since November 2007, with upgrades in February 2008, January 2010, October 2013, and July 2015.
  • Stichting Open Progress and others have from time to time organized funding for translation rallies to improve the localisation of MediaWiki and others, as explained above.
  • Since October 2009 the Wikimedia Foundation have contracted Siebrand to work about one day a week on translatewiki.net.

Ludźo za translatewiki.net

Hłowny team

Čłonojo hłowneho teama su nimale kóždy dźeń na translatewiki.net aktiwni. Maja tež přistup na serwery a su za to zamołwići, zo wěcy z tak mało problemami kaž móžno funguja. Za dalše informacije hlej na jich indiwiduelnych wužiwarskich stronach.

Nike
Załožer, zwjetša wuwiwanske dźěło
Siebrand
Zarjadnik zhromadźenstwa, projektowy koordinator, wuwiwar
Raymond
Přepodawar přełožkow za MediaWiki, wuwiwar
Logo sociology.svg

Wotwisujemy tež wot dźěła, kotrež druzy čłonojo našeho zhromadźenstwa činja:

  • Gangleri – něhdy wizionar, wjace njeaktiwny
  • GerardM – Reprezentant, zjawnostne dźěło přez direktny kontakt, blogi, StatusNet, Twitter
  • Wšě kontakty w jednotliwych projektach
  • Wšitcy přełožowarjo a druzy čłonojo tutoho projekta

Skupiny

Wšitcy sobuskutkowacy su we wšelakich skupinach zorganizowani, kóžda skupina ma swójske prawa. Kaž na druhich wikijach rěkaja zregistorwani ludźo wužiwarjo. Wužiwarjo so 4 dny po registrowanju awtomatisce wobkrućeja, štož jim dowoluje, druhim wužiwarjam e-mejle pósłać. Administratorojo maja wjace prawow, hłownje za škitanje sydła přećiwo wandalizmej. Běrokraća maja hišće wjace prawow, inkluziwnje dawanje a wotstronjenje wužiwarskich prawow, status běrokrata wšak da so wot sobudźěłaćerja. Boćiki su wužiwarske konta, kotrež móžeja wěste nadawki awtomatisce wuwjesć. Importowanske prawo , kotrež wužiwarjej dowola, strony z druhich wikijow importować, so tu zrědka wužiwa.

Přidatnje k tutym zwučenym skupinam, translatewiki.net tež ma wužiwarske skupiny za specielne zaměry. Přełožowarjo móžeja z pomocu přełožowanskim wužiwarskim powjerchom w škitanych mjenowych rumach wobdźěłać. Někotři přełožowarjo móžeja offline na swojich přełožkach dźěłać. Sobudźěłaćerjo su zarjadowarjo tutoho sydła. Woni importuja zdźělenki, kotrež maja so přełožować a přepodawaja dokónčene přełožki projektam, kotrež translatewiki.net wužiwaja. Móžeja na někotrych projektach jendźelske žórłowe zdźělenki změnić, inkluziwnje MediaWiki. Rjaduja wšě aspekty tu wužiwaneje softwary.

Prawa, kotrež buchu kóždej wužiwarskej skupinje připokazane, namakaš na stronje Prawa wužiwarskeje skupiny. Lisćiny čłonow kóždeje skupiny namakaš na stronje Lisćina wužiwarjow.

Kontakt

Torchlight info.png
Móžeš powěsć na našej diskusijnej stronje Podpěra zawostajić. Jeli preferuješ žiwu diskusiju, da spytaj naš IRC-kanal #mediawiki-i18n na freenode. Hačrunjež to njepreferujemy, to wšak je snano dla přičinow wěstosće abo priwatnosće trěbne, móžeš e-mejl jako kontaktnu metodu přez "translatewiki AT translatewiki DOT net" wužiwać - wuměń "AT" přez "@" a "DOT" přez "." a wotstroń tež mjezery z e-mejloweje adresy.
  • Móžeš problemy nastupajo wěstu rěč z jeje přełožowarjemi na diskusijnej stronje rěčneho portala diskutować.
  • Móžeš problemy nastupajo na wěsty projekt z jeho sobuskutkowarjemi a wuwiwarjemi na diskusijnej stronje projektoweje strony diskutować.
  • Móžeš problemy z jednotliwymi wužiwarjemi na jich diskusijnych stronach abo přez e-mejl (klikń na e-mejlowy wotkaz w bóčnicy wužiwarskeje strony) diskutować, jeli woni su e-mejl dowolili.