Project:Sus a

From translatewiki.net
Jump to navigation Jump to search
This page is a translated version of the page Project:About and the translation is 100% complete.


Torchlight kopete.png

Translatewiki.net jè 'na piattaforme de localizzazzione pe le communitate de tradutture e pruggette libbere e a codece aperte. S'accumenzate cu 'a localizzazzione pe MediaUicchi. Cchiù tarde s'ha aggiunde 'u supporte pe le estenziune de Mediauicchi, FreeCol e otre pruggette libbere e a codece aperte. 'Ndruche l'.

Translatewiki.net jè 'nu proggette libbere indipendende. 'A funzione de traduzione jè date da l'estenzione Traduzione de MediaUicchi. Sta uicchi tène sembre codece sperimendale, e pò essere scuasciate certe vote. Pe piacere tìne pascenze, le probbleme avènene sistemate veloce-veloce. Le probbleme serie ponne essere signalate sus 'apàgene de supporte.

Purcé ha ausà translatewiki.net

  • Jè 'u megghie strumende de traduzione disponibbile sus a 'u web. Tutte le aggiornaminde sus 'a localizzazzione avènene fatte sus a 'n'inderfacce, stonne pure crestiane ca ponne dà 'na màne a le tradutture. Quanne se face 'na traduzione, consiglie pe capì 'u significate satte satte e l'ause jndr'à 'nu condeste, avènene date de le suggereminde da servizie de traduzione automatece.
  • Nisciune privilegge particolare serve, cengate vole pò condrebbuì. Ce pò condrebbuì jndr'à 'na lènghe ('ndruche sotte) tène 'u permesse de dà 'na màne pa localizzazzione de quedda lènghe.
  • Tenè tracce de le cangiaminde jè facile facile. Le messàgge ca onna essere tradotte angore non g'è l'uneca cose facile da condrollà: ogne vote ca cange 'u teste origgenale, le traduziune avènene taggate pe 'n'idendificazione facile facile. Le tradutture non g'onna perdere tiembe pe acchià quidde ca ste da traducere.

Abbilite 'u proggette softuer tune sus a translatewiki.net ce non ge stè angore.

Panorameche sus a le metode de translatewiki.net

  • Sus a translatewiki.net le tradutture traducene l'inderfacce d'u softuer pe le prodotte addò le stringhe de teste jndr'à lènghe 'nglese avènene isolate da 'u codece e organizzate jndr'à "messàgge" singole.
  • Quanne 'nu proggette tràse, le messàgge sorgende in inglese avènene 'mbortate cumme ogne traduzione ca ggià esiste. Otre messàgge nuève in 'nglese avènene 'mbortate de vote in vote.
  • 'A documendazione de le messàgge ha state scritte a màne e normalmende jè de qualità megghie quanne passe 'na bbone comunicazione cu 'a squadre de sviluppature d'u softuer origgenale. Ce le commende a 'u codece sorgende fanne parte de 'nu proggette softuer, pure chiste avènene 'ndrucate jndr'à l'inderfacce de traduzione.
  • Le tradutture donne suggereminde pe migliorà o correggere 'nu messàgge origgenale inglese, o l'aggiustane pe farle supportà 'a localizzazzione. Ce approvate, ste cangiaminde avènene o mise in prateche da le membre de translatewiki.net ca sò pure sveluppature jndr'à 'u proggette in questione, o referite a le sveluppature d'u proggette.
  • Le traduziune combletate pe ogne lènghe avènene "mannate" a le proggette da 'u staff de translatewiki.net, accumme 'u numere totale de le traduziune pe 'nu proggette jndrìà quedda lènghe ave supranate 'a soglie congordate pe quidde proggette. Pa frequenze de invie e pe le soglie, puè 'ndrucà 'a pàgena de proggette ca te serve.
  • 'U rilasce d'u softuer de traduziune ca onne state committate a 'u proggette jè condrollate e eseguite da le amministrature d'u proggette e jè fore da le màne de translatewiki.net.

Copyright e declinaziune

CC some rights reserved new.svg
TRANSLATEWIKI.NET NON GE DE' NISCIUNA GARANZIE DE VALIDITA'

Ause le traduziune jndr'à translatewiki.net a rischie tune. Lore sò utile ma translatewiki.net non ge pò garandìe sus 'a validità de le condenute acchiate aqquà.

Translatewiki.net e le editure sue non ge donne nisciuna assicurazione de le condenute ca se iacchiane, pure ce espresse, imblicite o de legge, 'ngludenne, ma no limitate, ogne garanzie de commercializzazzione o benessere pe 'nu particolare ause o qualungue garanzie ca le condenute non ge sò senza errore.

Le traduziune de le tradutture avènene congesse cu licenze CC-BY 3.0, e le opere ca ne avènene fore ponne pure essere sotte licenze de le respettive pruggette libbere e Open Source addò le traduziune onne state o onna essere aggiunde. 'U condenute de le pàggene utende jè conziderate cumme "Tutte le deritte riservate" da vanne de l'autore. Tutte le otre condenute avènene congesse cu licenze CC-BY 3.0 a mene ca 'na licenze diverse o copyright avène indicate esplicitamende.

Cunde

Mediawiki-logo.png

Translatewiki.net accumenzò jndr'à 'u 2006 cumme 'nu uicchi sperimendale, sveluppate da Niklas Laxström, in collabborazione cu Gangleri, cumme strumende de 'ndernazzionalizzazzione pa localizzazzione d'u softuer MediaUicchi. Ave partute cu 'u nome de Netauicchi, ca devendò translatewiki.net quanne accumenzò 'u 2009, apprisse 'u spustamende d'u site susa 'n'hosting cu server virtuale sotte a 'u probbie nome de dominie, 'u 9 novemmre 2007. A l'ottommre 2007 translatewiki.net ste condrebbuive a 'a localizzazzione de cchiù o mene 70 lènghe, ca jndr'à 'u sciugne 2010 averene arrevate a 329 lènghe. 'A crescite d'u numere de lènghe se pò 'ndrucà jndr'à tabbelle de le prengepàle traguarde de traduzione pe MediaUicchi. Jndr'à 'u scennare 2010 ha state necessarie 'nu aumende d'a capacitate d'u server, pe riuscì a sta rete 'a crescite de attivitate. Netcup ave ospitate generosamende translatewiki.net accumenzanne da novemmre 2007.

Otre pruggette libbere e a codece libbere onne state aggiunde cu 'u tiembe a translatewiki.net, partenne da FreeCol jndr'à 'u mese de aguste 2007. A sciugne 2010 'u numere de pruggette supportate avere arrevate a 16.

'A maggiorparte de le condrebbuture a translatewiki.net sò volondarije. Sveluppature, amministrature e tradutture a l'inizie onne state pigghiate da le pruggette MediaUicchi, in particolare Uicchimedia. 'A maggiorparte de le collabborature nuéstre angore osce a die avène da MediaUicchi, ma siccome stonne 'nu sbuènne de pruggette nuève, MediaUicchi non g'è l'uneca fonde de collabborature. A sciugne 2010, 'u numere de tradutture reggistrate ere de 1.860. A sciugne 2018, 'u numere de tradutture ere de 19.000.

In collabborazione cu Stichting Open Progress e FUDforum, translatewiki.net ave arrangate 'nu sacche de rally de traduziune cu premie pe le tradutture disponibbile, pe migliorà 'a localizzazzione de MediaUicchi e FUDforum.

Le obbiettive de translatewiki.net onne state descritte jndr'à 'Ndroduzione. Le aijute tecnologgece pe le tradutture onne state descritte jndr'à pàgene Tecnologgije. Ste struminde avènen condinuamende allariate e fatte megghie accussì da fà devendà 'a fatìe de traduzione 'a cchiù facile possibbele. Le esiggenze de osce a die d'u site e 'u sveluppe sue avènene descritte jndr'à Phabricator.

Fonde

P economy blue.png
  • Translatewiki.net jè ospitate gendilmende da Netcup – webspace and vServer, e le lore spese da Novemmre 2007, cu le aggiornamende jndr'à Febbrare 2008, Scennàre 2010, Ottommre 2013 e Luglie 2015.
  • Stichting Open Progress ave da tiembe organizzate raccolte funne pe le rally de traduziune pe migliorà 'a localizzazzione de MediaUicchi e otre, cumme spiegate sus.
  • Jndr'à 'u 2012 'a squadre Wikimedia Foundation Language ave fatiate a 'nu proggette chiamate Translation UX addò 'a pàgene prengepàle de translatewiki.net e 'a 'nderfaccia nostre de traduzione onne state cangiate cu versiune cchiù nuève, professionale, proggettate e testate pe l'utende.
  • Niklas Laxström e Siebrand Mazeland stonne e fatiane o onne fatiate pa Uicchiemedie Foundation e onne condrebbuite a translatewiki.net quanne ste fatiavane.

Crestiane rrete a translatewiki.net

Squadre prengepàle

Le membre d'a squadre onne state coinvolte quase tutte le sciurne jndr'à gestione de translatewiki.net. Onne pure accesse a le server e sò responsabbele de fà funziunà tutte cu 'u numere cchiù vasce possibbele de probbleme. Pe cchiù 'mbormaziune ve 'ndruche le pàggene de le utinde singole.

Niklas Laxström
Fondatore, tutte le tipe de fatìe
Siebrand Mazeland
Gestore d'a comunitate, coordinatore de proggette, sviluppatore
Raimond Spekking
Screttore de traduzione pe MediaUicchi, sviluppatore
Logo sociology.svg

Nuje pure depennime da 'a fatìe fatte bbone da le otre membre d'a comunitate:

  • Gangleri – quase visionarie, nisciune attività.
  • GerardM – Ambasciatore, pubbleche ausanne condatte dirette, blog, StatusNet, Tuitter. Non cchiù attive.
  • Tutte le condatte sus a pruggette individuale
  • Tutte le tradutture e le otre membre de stu proggette

Condattace

Torchlight info.png

Puè lassà 'nu messàgge sus 'a pàgena de le 'ngazzaminde prengepàle nostre sus a Support. Ce preferisce 'u 'ngazzamende dirette, puè pruvà 'u canale IRC ca tenime #mediawiki-i18n sus a freenode. No jè 'a megghia cose, ma ce serve pe mutive de securezze o de privacy, cumme mode de condattarne jè possibbele pure ausà 'a poste elettroneche scrivenne a translatewiki@translatewiki.net

  • Tu puè discutere de le probbleme ca reguardene 'nua lènghe particolare cu le tradutture sue sus a 'a pàgene de le 'ngazzaminde d'u portale d'a lènghe.
  • Tu puè discutere argomende sus a 'nu particolare proggette cu le sosteniture sue e le sviluppature sus 'a pàgene de le 'ngazzaminde d'a pàgene d'u proggette.
  • Tu puè discutere de le argomende sus a le utinde individuale sus a le lore pàggene de le 'ngazzaminde, o pe e-mail (cazze sus a 'u collegamende e-mail jndr'à barre laterale sus a pàgene utende), ce lore onne scacchiate de mettere l'e-mail.