Teunoloxía

Translatewiki.net usa múltiples teunoloxíes d'asistencia p'acelerar el trabayu de traducción al tiempu que produz meyores resultaos; vea'l tutorial de traducción y la documentación en xeneral pa más información del motor de traducción non especifica d'esta wiki.

Ayudes a la traducción

Les ayudes a la traducción más cencielles son namái una coleición d'información potencialmente útil.

Traducciones a otres llingües

Pues esbillar toles llingües que quieras ver al traducir. S'amosarán les traducciones a les llingües esbillaes si yá esisten. Les traducciones a una llingua rellacionada te puen dar idees sobro les pallabres y estructures gramaticales. ¡O pues usalo namái pa deprender otra llingua!

Documentación del mensaxe

Tolos programes contienen dellos mensaxes enguedeyaos que son difíciles d'entender, mesmo nel so contestu. Ye posible qu'esos mensaxes yá tengan documentación afayadiza en translatewiki.net. Pero sinón, t'ayudaremos a tenela. Val con que la pidas na páxina de sofitu. La documentación t'informa del contestu (botón, títulu), conteníu de les variables y de tolo que necesites tener en cuenta al traducir.

Análisis sintáuticos

Tenemos encadarmaes comprobaciones cencielles que t'avisen de fallos simples como variables ensin usar y desconocíes; mal marcáu HTML, y paréntesis desequilibraos. Estos fallos simples, de vezu producen una vista corrupta o frañada, de manera que ye importante alcontralos ceo.

Teunoloxíes de traducción

Estes son teunoloxíes más avanzaes que saquen partíu de los avances nes árees de les ciencies informátiques y les ciencies del llinguax.

Memoria de traducción

Usamos el software de memoria de traducción de translate toolkit. La memoria de traducción t'ayuda a facer traducciones más consistentes, y acelera la traducción de los mensaxes asemeyaos y repetitivos.

Traducción de Yandex y Microsoft

Tamién pues aprovechar les suxerencies feches por Yandex Translate o Microsoft Translator si tienen sofitu pa la to llingua. Escaez el cortar y pegar manual, ¡la suxerencia yá ta ehí al entamar la traducción!