Tecnologìa

---

Translatewiki.net a deuvra vàire técniche d'assistensa për aceleré ël travaj ëd tradussion an dasend d'arzultà pi bon; vardé ël cors ëd tradussion e la documentassion an general për savèjne ëd pi dzor ël motor ëd tradussion nen specìfich a sta wiki.

Agiut a la tradussion

J'agiut a la tradussion pi sempi a son mach n'ansema d'anformassion potensialment ùtij.

Tradussion an d'àutre lenghe

A peul serne tute le lenghe ch'a veul vëdde antramentre ch'a fa le tradussion. Le tradussion ant la lenga sërnùa a son visualisà se a esisto già. Le tradussion ant na lenga colegà a-j dan dj'idèje an sle paròle e le struture gramaticaj. O purament a peul mach dovreje për amparé n'àutra lenga!

Documentassion dij mëssagi

tùit ij programa a conten-o dij mëssagi complicà ch'a son malfé capì, ëdcò con un contest. Peul desse che coj mëssagi a l'abio già ëd documentassion ùtil an translatewiki.net. Bele s'a-i é pa, i-j giutëroma a trovela. Ch'a buta mach soa arcesta ansima a nòsta pàgina d'agiut. La documentassion a-j parla dël contest (boton, tìtol), dël contnù dle variàbij e ëd tut lòn ch'a dev savèj quand a fa dle tradussion.

Contròj sintàtich

I l'oma butà an pé dij contròj sempi che a l'aviso d'eror sempi com variàbij pa dovrà e sconossùe, marcador HTML pa bon e parèntes pa cobià. Costi sempi eror a peulo soens dé dle visualisassion lòfie o ruinà, parèj a l'é amportant troveje sùbit.

Tecnologìe ëd tradussion

Coste a son ëd tecnologìe pì avansà che a son giutà da j'arzultà ant ij setor dl'anformàtica e dla tecnologìa dle lenghe.

Memòria ëd tradussion

I dovroma un programa ëd memòria ëd tradussion da la cassiëtta dj'utiss ëd tradussion. La memòria ëd tradussion a lo giuta a rende le tradussion pi coerente, e a acelera le tradussion ëd mëssagi ch'a së smijo o arpetitiv.

Tradussion Yandex e Microsoft

A peul ëdcò profité ëd sugeriment fàit dal tradutor Yandex o dal tradutor Microsoft se soa lenga a l'é mantnùa. Pì gnun còpia e ancòla manuaj, ël sugeriment a-i é già quand a ancamin-a a volté!