Technologia
From translatewiki.net
Translatewiki.net usa diverse technologias de assistentia pro accelerar le labor de traduction e producer melior resultatos; vide le tutorial de traduction e le documentation in general pro information sur le motor de traduction que non es specific pro iste wiki.
Adjutas al traduction
Le plus simple adjutas al traduction es solmente un collection de information potentialmente utile.
- Traductiones in altere linguas
- Tu pote seliger qual linguas tu vole vider quando tu traduce. Traductiones in le linguas seligite es monstrate si illos jam existe. Traductiones in un lingua affin pote dar te ideas super parolas e structuras grammatical. O tu pote simplemente usar lo pro apprender un altere lingua!
- Documentation de messages
- Omne software contine messages intricate que es difficile a comprender, mesmo in contexto. Es probabile que iste messages jam ha documentation utile in translatewiki.net. Mesmo si non, nos te adjutara a obtener lo. Simplemente pone un requesta in le pagina de assistentia. Le documentation te informa del contexto (button, titulo), le contento del variabiles e de omne altere cosa que tu debe saper durante le traduction.
- Verification syntactic
- Nos ha implementate simple verificationes que te alerta de simple errores como variabiles non usate e non cognoscite, marcation HTML incorrecte e parentheses non correspondente. Iste simple errores pote sovente resultar in visualisation corrumpite o defectuose, dunque il es importante deteger los tosto.
Technologias de traduction
Istes es technologias plus avantiate que trahe avantage de discopertas in areas del informatica e del technologia linguistic.
- Memoria de traduction
- Nos usa software pro memoria de traduction del translate toolkit. Le memoria de traduction te adjuta a facer traductiones plus consistente, e accelera le traduction de messages similar e repetitive.
- Traduction de Yandex e de Microsoft
- Tu pote etiam utilisar suggestiones facite per Yandex Translate o Microsoft Translator si tu lingua es supportate. Nulle besonio de copiar/collar manualmente, le suggestion es jam presente quando tu comencia a traducer!
