Tradussion:Proget neuv

From translatewiki.net
Jump to navigation Jump to search
This page is a translated version of the page Translating:New project and the translation is 100% complete.

Translatewiki.net a veul chërse

I soma an camin ch'i sërcoma dij proget neuv! Geneve pa a contatene e a discute com vòstr proget a peul esse giontà a translatewiki.net. I valorisoma ël travaj dij nòstri tradutor volontari, visadì i sërcoma dij proget san che a sio dësvlupà ëd fasson ativa an n'avnì pianificàbil. I sot-lignoma ëdcò la comunicassion an tra ij tradutor e ij dësvlupador. Sì-sota a-i è na cita lista che a s-ciairiss lòn che i speroma ëd vëdde ant un proget neuv, e che process a venta gestì na vira acetà.

Noi i ciamoma...

Overtura
Overtura I acetoma mach dij proget che a deuvro na licensa lìbera e a sorgiss duverta. I dovoma fé dle sernie an lòn ch'i voroma mantnì ëd fasson direta. Da già che nòstre rèis a son an MediaWiki e Wikimedia, cost-sì a l'é un valor sentral për noi. Se vòstra aplicassion a l'é nen lìbera, ma av piasrìa istess dovré ël midem programa, vardé la documentassion.
 
Dësvlup
Dësvlup Ël proget neuv a dovrìa esse an dësvlup ativ e dovré un sistema ëd contròl dle version. I soma già familiar con CVS, Subversion e Git. Ël proget a dovrìa avèj d'arnovament periòdich o n'àutra manera ëd modifiché le tradussion. Ël temp për oten-e le tradussion (TIU) a dovrìa esse mìnim. A-i son vàire manere ëd fé travajé le tradussion pi an pressa, e as peulo dëscute.
 
Antëgrassion
Antëgrassion Na vira che ël contnù ëd sò proget a sia stàit voltà a traslatewiki.net, l'ideal a l'é che l'echip ëd traslatewiki.net a sia bon-a a antëgré le modìfiche an sò prodot. Sòn a l'ha damanca ëd na procedura për gionté ëd lenghe e ël drit ëd modìfica për almanch un mèmber ëd l'echip ëd translatewiki.net. Sòn a sigura che ël travaj ëd tradussion a sarà antëgrà për da bon. L'echip ëd translatewiki.net a l'ha un baron d'esperiensa ant le modìfiche ëd vàire sistema ëd contròl ëd còdes sorgiss.

An pias...

Manteniment ëd i18n
Manteniment ëd i18n I mantnoma mach l'ansema ëd caràter UTF-8. A l'é preferì ël manteniment ant ël quàder i18n për j'aplicassion për le variàbil, ij pluraj diferent mùltipl, e le lenghe ch'as leso da drita a snistra. Ël manteniment për le forme gramaticaj a l'é quaicòs che i pensoma a dovrìa esse sempe considerà, e ëdcò ël manteniment për ël géner ëd l'utent quand che a l'utent as parla ëd fasson direta o d'àutri utent a son mensionà ant ij test ëd l'antërfacia.
 
Comunicassion
Comunicassion Un dësvlupador dël proget a dovrìa esse ativ an translatewiki.net për rësponde a le chestion, avisé quand che a-i riva dle version neuve, coordiné con l'echip dij dësvlupador ëd proget, e via fòrt. Nòstra mòda ëd localisassion a marcia mej quand ël fluss ëd conossensa a passa ëd fasson pi lìbera possìbil tra le comunità ëd dësvlupador e le comunità ëd tradutor. Le liure con ël proget a l'han un ròl motobin amportant për sòn.
 
Formà d'archivi
Formà d'archivi Ël sistema ëd translatewiki.net a l'é basà ansima a dj'archivi ëd tradussion. As preferiss l'usagi ëd formà d'archivi basà su ciav, com le proprietà Java e YAML an stil Ruby. D'àutri formà d'archivi mantnù a son le tàule PHP, le variàbij PHP e Gettext. Ch'an fasa savèj s'a l'ha an ment un formà diferent; ant nòstra esperiensa gionté ël manteniment d'un formà d'archivi a l'é assè bel fé për quaidun bon a dovré PHP.


Anco' anteressà? Bin. Për piasì ch'an contata, ansima a nòstr canal IRC #mediawiki-i18n su freenode, për pòsta eletrònica, o a nòstra pàgina ëd manteniment. Tutun, gnente a val na bon-a ciaciarada an temp real për arzòlve qualsëssìa problema possìbil e për fé andé anans le còse. Si prima a veul esploré un pòch ëd pì, ch'a preuva antlora la pàgina localisassion për ij dësvlupador.