Translating:Intro/pms

Next step	Com ancaminé

translatewiki.net
Introduction
Getting started
Translation tutorial
How to start
See also
Localisation guidelines
Translating offline
FAQ
Support

Antrodussion

La tradussion e la localisassion a son amportante an general, përchè a përmëtto a le përsone che a conòsso pa l'Anglèis ëd dovré dij programa për l'ordinator. MediaWiki a l'é dovrà, për esempi, për fé marcé Wikipedia an vàire lenghe, e alora traduve MediaWiki a giuta le përson-e a oten-e la conossensa lìbera e a gràtis ant soa lenga. (Pì d'anformassion an sle condission a documentation ëd Gettext e Wikipedia.)

Ambelessì ansima a translatewiki.net nojàutri i foma e amelioroma an continuassion l'infrastrutura për na localisassion sempia dij proget a sorgiss duverta e dij document ëscrit lìber. Nojàutri i travajoma për oten-e i nòsti doi but.

Nòst prim but a l'é l'eficensa. Për aumenté l'eficensa dël prossess, nojàutri i s'antëgroma ëd fasson ës-ciassa ant ël process ëd dësvlup dij programa për avèj dij temp ëd reassion curt. An pì, nojàutri i dësvlupoma dj'utiss për automatisé l'antegrassion dle tradussion. Sòn a përmët ai sìngoj tradutor ëd consentresse mach ant ël prodùe le mej tradussion possìbij.

Nòst scond but a l'é la colaborassion. Tut ël sistema a l'é basà an sla wiki. MediaWiki a l'é un motor ëd wiki popolar ch'a smon ël quàder për fé dle comunità colaborative. Nojàutri i ancoragioma ij tradutor a giutesse l'un l'àutr a travers dij proget e le lenghe an tante manere, e fasend da liura tra dësvlupador e tradutor.

A l'ha pa dabzògn ëd savèj com programé. S'a l'é asdà ai programa wiki, a amprendrà an pressa com dovré translatewiki.net. A-i é mach da manca ëd na bon-a padronansa dla lenga, un navigador për l'aragnà e na ment duverta.

Ël proget ëd translatewiki.net - MediaWiki - a l'é al moment dovrà an pì che 300 lenghe. translatewiki.net a arsèiv dj'agiornament an pì che 100 lenghe minca mèis.