Entamu

From translatewiki.net
This page is a translated version of the page Translating:Intro and the translation is 100% complete.
translatewiki.net
Introduction
Getting started
Translation tutorial
How to start
See also
Localisation guidelines
Translating offline
FAQ
Support

Entamu

La traducción y la llocalización son importantes en xeneral, porque permiten que les persones que nun saben inglés puedan usar programes d'ordenador. MediaWiki s'usa, por exemplu, pa presentar Wikipedia en munches llingües y, poro, traducir MediaWiki ayuda direutamente a que les persones tengan accesu al conocimientu llibre na llingua de so. (Más tocante a la terminoloxía na documentación de Gettext y Wikipedia.)

Equí, en translatewiki.net encadarmamos y ameyoramos de contino la infraestructura pa la llocalización cenciella de proyeutos de códigu abiertu y documentos escritos. El nuesu enfotu ye algamar dos oxetivos.

El primer oxetivu ye la eficacia. P'aumentar la eficacia del procesu, nos venceyamos col procesu de desendolcu del software col envís de tener tiempos de rempuesta rápidos. Amás, desendolcamos ferramientes pa integrar automáticamente les traducciones. Esto permite que los traductores individuales puedan concentrase'n producir les meyores traducciones posibles.

El segundu oxetivu ye la collaboración. El sistema ensembre ta fechu nun wiki. MediaWiki ye un motor de wiki popular qu'ufre la cadarma pa construir comunidaes collaboratives. Encamentamos a los traductores ayudase unos a otros a arreblagar les llendes ente proyeutos y llingües de munches maneres, y actuamos como pegamentu ente los desendolcadores y los traductores.

Nun tienes falta de saber programar. Si tas familiarizáu col software de wiki, deprenderás ceo cómo usar translatewiki.net. Los únicos requisitos son bona conocencia de les llingües, un restolador web y una miente abierta.

El proyeutu insinia de translatewiki.net – MediaWiki – s'usa anguaño en más de 300 llingües. Translatewiki.net recibe anovamientos en más de 100 llingües cada mes.