Introduction

From translatewiki.net
This page is a translated version of the page Translating:Intro and the translation is 100% complete.
translatewiki.net
Introduction
Guida de uso
Tutorial de traduction
Como initiar
Vide etiam
Directivas de localisation
Traduction foras de linea
FAQ
Assistentia

Introduction

Traduction e localisation es importante in general, proque isto permitte le uso de software a personas non anglophone. Per exemplo, MediaWiki es usate pro render Wikipedia disponibile in multe linguas, ergo le traduction directe de MediaWiki permitte que cata uno accede al cognoscenita libere in su proprie lingua. Un explication ulterior del terminologia se trova in le documentation de Gettext e a Wikipedia.

Ci a translatewiki.net nos construe e continuemente meliora le infrastructura pro localisation facile de projectos open source e libere documentos scripte. Nos nos effortia pro le realisation de nostre duo objectivos.

Nostre prime objectivo es le efficientia. Pro render le projecto plus efficiente, nos lo integra ben in le processo de disveloppamento del software a fin de producer resultatos rapide. In addition, nos disveloppa instrumentos pro automatisar le integration del traductiones, lo que permitte concentrar le effortios del traductores a producer le optime traductiones possibile.

Nostre secunde objectivo es le collaboration. Le systema integre es construite in un wiki. MediaWiki es un motor wiki popular que provide le skeleto pro construer communitates collaborative. Nos incoragia le traductores a assister alteres comocunque possibile trans projectos e linguas, e de facilitar le communication inter disveloppatores e traductores.

Non es necessari saper programmar. Si tu es ja familiar con un altere sito wiki, tu apprendera rapidemente a usar translatewiki.net. Le sol requisitos es un bon maestria de linguas, un navigator del web e un mente aperte.

Le projecto principal de translatewiki.net, MediaWiki, es actualmente usate in plus de 300 linguas. Translatewiki.net recipe actualisationes in plus de 100 linguas cata mense.